Lajme

E harroi në autobusin e Trafikut Urban, çanta me 13 mijë euro i kthehet udhëtares

Autori: Gazeta inFokus 20:51 | 27 June 2023

Në njërin nga autobusët e Trafikut Urban të linjës katër në kryeqytet, në natën e 20 qershorit, dikush nga udhëtarët e harroi një çantë të vogël, por me vlerë fort të madhe.

Atë e gjeti pastruesi i autobusit kur mjeti u kthye në bazë, derisa pak minuta më pas aty u paraqit edhe ajo që në autobus i la hiç më pak se 13 mijë euro, raporton Klan Kosova.

Me këtë shumë, vajza kishte treguar se e pati plan të blejë një banesë.

-Advertisement-

Gjithsesi, ky akt i lartë human dhe qytetar i punëtorit të pastrimit u vlerësua fort nga menaxherët, që thanë se punëtorit do t’i japin edhe mirënjohje.

Drejtori i Operativës në Trafikun Urban, Mentor Isufi, tha se deri më tani kjo është vlera më e madhe monetare që dikush e ka harruar në autobus.

E ajo çka udhëtarët më së shumti harrojnë nëpër autobusë janë qese me gjëra ushqimore, çadra, mjete identifikuese, por edhe telefona dhe para në shuma më të vogla.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme