Lajme

E FUNDIT: Nuk ka të plagosur në Veri

Autori: Gazeta inFokus 20:43 | 31 July 2022

Policia e Kosovës ka njoftuar se nuk ka informacione për ndonjë plagosje në Veriun e Kosovës.

Pak më herët është raportuar për plagosje, por Policia njoftoi se s’ka informacione të tilla.

Serbët lokalë në Veriun e Kosovës kanë bllokuar rrugët kundër reciprocitetit që ishte planifikuar të hyjë në fuqi më 1 gusht.

-Advertisement-

Njoftimi i Policisë

INFORMACION ZYRTAR (nr.2)

Prishtinë, 31 korrik 2022

Referuar informacioneve zyrtare të deritanishme, vazhdojnë bllokimet e rrugëve në disa lokacione të ndryshme në Veri të Mitrovicës në drejtim të dy pikë kalimeve kufitare Jarinje dhe Bernjak, të cilat pika janë mbyllur për qarkullim.

Deri më tani nuk ka informacione zyrtare për ndonjë plagosje të qytetarëve apo të ndonjë zyrtari policorë, andaj ftojmë dhe iu bëjmë thirrje të gjitha mediave dhe qytetarëve që të mos bien pre e informacioneve-lajme të rreme, të cilat kanë tendencë destabilizimin e situatës dhe krijimin e panikut.

Policia e Kosovës vazhdon angazhimet e saja me njësitet policore, në ofrim e sigurisë për të gjithë qytetarët pa dallime, në interes të ruajtjes së rendit dhe sigurisë publike.

—

INFORMACION ZYRTAR (nr.1)

Prishtinë, 31 korrik 2022

Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve në drejtim të këtyre pikë kalimeve kufitare Jarinje dhe Bernjak.

Njoftohen të gjithë qytetarët të shfrytëzojnë pikat tjera kufitare për qarkullim.

Subscribe në YouTube: GAZETA INFOKUSI

Të tjera

Fokusi

lajme