Sport

E çuditshme dhe qesharake: Kjo ishte arsyeja pse Luis Enrique mungoni në disa minuta në takimin ndaj Kosovës

Autori: Gazeta inFokus 12:25 | 01 April 2021

Kombëtarja e Spanjës dhe ajo e Kosovës u përballen mbrëmë për herë të parë në një kompeticion futbolli, shkruan Gazeta inFokus.

Fitore shënuan spanjollët me rezultat 3-1, në duelin e vlefshëm për kualifikimet e Kupës së Botës ‘Katar 2022’.

Golat për ‘Andaluzianët’ i shënuan Dani Olmo, Ferran Torres dhe Gerard Moreno, kurse për ‘Dardanët’ realizoi Besar Halimi.

Pas përfundimit të ndeshjes trajneri i Spanjës, Luis Enrique, tregoi një eksod shumë interesant.

Ai tha se kishte mbetur në ashensor dhe mungoi për disa minuta në takimin mes spanjollëve dhe kosovarëve.

“Ne kishim një plan B. Edhe po të mos isha unë, do ishin asistentët”, ka thënë Enrique.

Pas fitores ndaj Kosovës, Spanja kryeson Grupin B me 7 pikë, kurse ‘Dardanët’ mbeten të fundit me 0 sosh, por me një ndeshje me pak se spanjollët./Gazeta inFokus/

 

 

 

Të tjera

Fokusi

sport