Dyshohet se nuk dërgoi mbi 2 mijë dërgesa postare, paraburgim për ish-punëtorin e Postës
Autori: Gazeta inFokus 13:59 | 07 October 2021
Gjykata Themelore në Prishtinë ka caktuar masën prej një muaj paraburgim ndaj ish-punëtorit të Postës së Kosovës, M.B, i cili dyshohet se në periudhën 2019-2021 keqpërdori pozitën zyrtare, duke mos dëguar 2 mijë e 26 dërgesa postare.
Në vendimin e siguruar nga “Betimi për Drejtësi” thuhet se nga këto dërgesa 682 kishin qenë të gjykatës, 512 fatura të tatimit mbi pronë, 337 fatura të Valës, 57 dërgesa ishin të karakterit ndërkombëtar, 200 dërgesa ishin shkresa të Trustit, 197 dërgesa ishin fatura të Bankave, 7 dërgesa ishin shkresa të Ministrisë së Bujqësisë, 18 dërgesa ishin shkresa nga Komuna e Lipjanit, 1 dërgesë ishte shkresë nga AKP-ja, 14 dërgesa ishin shkresa nga Përmbaruesit Privat, 1 dërgesë ishte shkresë nga Ministria e Mjedisit dhe Planifikimit Hapësinor.
Të gjitha këto dëshmi dhe prova, në vendim thuhet se janë gjetur dhe sekuestruar nga ana e policisë në shtëpinë e tij, me ç ‘rast ka dëmtuar rëndë procedurat në institucione si Gjykatë, Ministri, Përmbarues Privat, si dhe ka shkelur të drejtat e qytetarëve, të cilët ishin adresë e pranimit të këtyre dërgesave.
Ai dyshohet se me këto veprime, ekziston dyshimi i bazuar se i njëjti ka kryer veprën penale “Keqpërdorimi i pozitës apo autoritetit zyrtar” nga neni 414, par 1, të Kodit Penal, vepër e cila dënohet me burg prej një deri në tetë vjet.
“Betimi për Drejtësi” ka siguruar edhe kërkesën e Prokurorisë Themelore në Prishtinë, për caktimin e masës së paraburgimit që mban datën 6 tetor 2021.
Në kërkesë thuhet se ekziston dyshimi o bazuar se i dyshuari M.B. ka kryer veprën penale “Keqpërdorim i pozitës apo autoritetit zyrtarë”.
“Ekziston dyshimi i bazuar se i pandehuri M.B. në vazhdimësi prej vitit 2019 e deri në vitin 2021, sa ishte i punësuar në cilësinë e personit zyrtar Postier në Postën e Kosovës për rajonin e Janjevës, Komuna e Lipjanit, e kishte keqpërdorur detyrën duke mos e përmbushur detyrën e tij zyrtare në atë mënyrë që nuk i kishte shpërndarë personat për të cilët kanë qenë të dedikuara”, thuhet ndër të tjera në kërkesën e Prokurorisë, ku përmendet edhe lloji i dërgesave.
Në kërkesë thuhet se Drejtoria për Hetimin e Krimeve Ekonomike dhe Korrupsionit në Prishtinë më 31 gusht 2021 kishte pranuar informatën nga Posta e Kosovës se të njëjtit i është ndërprerë marrëdhënia e punës me vendim të komisionit disiplinor, ngase përveç që nuk e kishte kryer detyrën e tij zyrtare si postier, po ashtu e kishte keqpërdorur detyrën duke dërguar dhe mbajtur dërgesat në shtëpinë e tij.
Ndryshe, kjo kërkesë është kundërshtuar nga mbrojtësi i të dyshuarit, avokati Samir Morina, i cili për “Betimi për Drejtësi” tha se kjo masë është e panevojshme dhe se nuk përmbushen kushtet për caktimin e kësaj mase.
Ndërsa, Gjykata Themelore në Prishtinë ka caktuar masën e paraburgimit me arsyetimin se janë plotësuar të gjitha kushtet e parapara me dispozita ligjore për caktimin e kësaj mase.
“Ekziston dyshimi i pabazuar se i akuzuari M.B., ka kryer veprën penale që i vihet në barrë të përshkruar në kërkesën për caktim të masës së paraburgimit”, thuhet në vendim.
Tutje në vendim thuhet se përmbushen edhe kushtet e parapara në paragrafin 1.2 të nenit 187 par 1, nën par 1.2.1, që duke pas parasysh dyshimin e bazuar për veprën penale që dyshohet se e ka kryer, ekziston rreziku se po të gjendet në liri tani i pandehuri mund të fshihet, të arratiset, me qëllim që ti shmanget procedurës penale.
Të tjera
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...
-
Vràsja e Gjyljeta Ukellës, dëgjoni hoxhë Enes Gogën i cili tregon se çfarë ndodhi sot në ditën e premte
“Nëse dikush guxon me privu nga jeta pa të drejtë, një person tjetër atëherë ...
-
O’Brien zbarkon në Beograd, nesër mban takim me Vuçiqin
Ndihmëssekretari i Byrosë për Çështje Evropiane dhe Euroaziatike i Departamen...
-
Vazhdon akuzat Sanduloviq: Me urdhër të kujt po kërcëńohet, përgjohet dhe ndiqet vajza ime?
Politikani serb, Nikola Sanduloviq, ka treguar detaje të reja nga rasti i hed...
-
Lajçak: Nuk ka të ardhme evropiane për Kosovën e Serbinë pa normalizim të marrëdhënieve
Emisari special i Bashkimit Evropian për dialogun ndërmjet Kosovës dhe Serbis...
-
Kryetari i Zubin Potokut për referendumin e së dielës: Nuk do të këtë sukses dhe s’do të dal të votoj
Kryetari i Zubin Potokut, Izmir Zeqiri ka vlerësuar se referendumi i së dielë...
-
Në OKB kërkohet që Gjenocidi në Srebrenicë të dënohet globalisht
Gjenocidi në Srebrenicë duhet të dënohet në nivel global, duhet të shprehet m...
-
Çka po synon Serbia me testimin e ąrmëve në kufi me Kosovën, flasin ish-ushtarakët
Ish-ministri i Punëve të Brendshme, Bejtush Gashi ka thënë se stërvitjet usht...