Lajme

Dy yje të hendbollit në Ferizaj i bashkohen LDK-së

Autori: Gazeta inFokus 17:08 | 26 August 2023

Kryetari i degës së LDK-së, në Ferizaj, Vizar Azemi, ka njoftuar për aderimin e Hamdi Salihut dhe Lulzim Shabanit në këtë parti politike.

Azemi ka thënë se dy emra eminent të hendbollit kosovar po i bashkohen LDK-së.

“Hamdiu dhe Luli në qytetin e Ferizajit, nuk kanë nevojë për prezantim, i njohim të gjithë. I njohim për emocionet, gëzimet e fitoret që na i dhuruan qytetit tonë me klubin hendbollistik, krenarin e qytetit tonë KH. Kastriotin”, shtoi ndër të tjera Azemi.

-Advertisement-

Azemi tha se Lidhja Demokratike e Kosovës, i ka dyert e hapura për të gjithë profesionistët, sportistët, artistët e aktivistët që ndryshimin e shohin përmes LDK-së.

“Ata që gjithmonë i dhanë shumë qytetit, sot kanë vendosur që përmes angazhimit në LDK, kontributin e tyre për Ferizajin dhe ferizajasit ta avancojnë edhe më tej. Përmes këtij angazhimi ata edhe një herë po e dëshmojnë përkushtimin e tyre për të vazhduar shërbimin ndaj qytetarëve, tani në një nivel tjetër, atë politik”, përfundoi Azemi.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme