Dy vjet nga aplikimi për anëtarësim në BE, qeveria thotë se Kosovës po i bëhet padrejtësi
Autori: Gazeta inFokus 14:04 | 30 September 2024
Qeveria e Kosovës thotë se po i bëhet padrejtësi vendit me zvarritjen e shqyrtimit të aplikimit për marrjen e statusit vend-kandidat për anëtarësim në Bashkimin Evropian. Sipas ekzekutivit kosovar opinioni i BE-së ndaj këtij aplikimi dhe marrja e pyetësorit, janë hapa të domosdoshëm që duhet të merren nga unioni evropian.
Dy vjet nga aplikimi, në qeveri shpresojnë që presidenca hungareze e Këshillit të BE-së të trajtojë me seriozitet të merituar kërkesën e Kosovës. Në anën tjetër, në Lidhjen Demokratike të Kosovës akuzojnë qeverinë se s’ka punuar asgjë në integrimet evropiane, derisa këtë proces e ndërlidhin edhe me dialogun Kosovë-Serbi. Ndërkaq, njohësit e integrimeve evropiane janë skeptik se do të ketë vendim pozitiv nën presidencën e Hungarisë.
Klisman Kadiu, këshilltar i zëvendëskryeministrit për Integrim Evropian, Zhvillim dhe Dialog, Besnik Bislimi, thotë për KosovaPress se është e padrejtë që Kosovës të mos i jepet mundësia që të vlerësohet në baza meritokracie mbi nivelin e përgatitjes dhe gatishmërisë institucionale.
“Ne mendojmë se është e padrejtë që Kosovës të mos i jepet mundësia që të vlerësohet në baza meritokracie mbi nivelin e përgatitjes dhe gatishmërisë institucionale. Opinioni nga ana e BE-së dhe marrja e pyetësorit, janë hapa të domosdoshëm të cilat duhet të ndërmerren. Kemi punuar ngushtë me presidencat e Këshillit të BE-së përgjatë kësaj periudhe, dhe shpresojmë që ajo aktuale hungareze ta trajtojë me seriozitetin e merituar kërkesën tonë për aplikim”, thekson Kadiu, transmeton Klankosova.tv.
Ai shton se aplikimi i Kosovës për marrjen e statusit-vend kandidat për anëtarësim në BE ishte si rezultat siç thotë ai i progresit të gjithmbarshëm dhe sinjal i fuqishëm i vullnetit, gatishmërisë dhe vendosmërisë për të bërë hapa përpara në procesin e integrimit evropian dhe rrugës drejt BE-së.
Mirëpo, kryetarja e Komisionit për Integrime Evropiane, në Kuvendin e Kosovës, Rrezarta Krasniqi, thotë për KosovaPress se qeveria s’ka punuar asgjë për integrim evropian.
Marrjen e statusit të vendit-kandidat për anëtarësim në BE, ajo e ndërlidh edhe me dialogun Kosovë-Serbi.
Në anën tjetër, profesori i integrimeve evropiane, Dritëro Arifi, është skeptik se do të ketë lëvizje nën presidencën hungareze për dhënien e statusit Kosovës si vend-kandidat për anëtarësim në BE.
Megjithatë, ai shton se edhe nëse Kosova merr dritën e gjelbër, anëtarësimi në BE në rrethana aktuale është i pamundur për shkak të mosnjohjes së Kosovës nga pesë vendeve të BE-së.
Kosova ka aplikuar për marrjen e statusit vend-kandidat për anëtarësim në BE më 15 dhjetor të vitit 2022. Aplikimi deri tani nuk është shqyrtuar nga asnjë vend që ka pasur presidencën e Këshillit Evropian, ndërkaq deri më 31 dhjetor 2024, presidencën e Këshillit e ka Hungaria.
Kosova vazhdon të mbetet vendi i vetëm në rajon që nuk e ka statusin e vendit kandidat për anëtarësim në BE.
Të tjera
-
Rasti në Pejë, as sot nuk u kthye nxënësja që u përjashtua nga shkolla për shkak të mbulesës
Rasti i 18-vjeçares A.D, ishte temë e diskutimit javën e kaluar në krejt Koso...
-
Gjykata ia vendos një muaj paraburgim për serbin që tentoi të ikte nga Kosova, i merret dorëzania me 30 mijë euro
Gjykata Themelore në Prishtinë ka vendosur një muaj paraburgim ndaj të pandeh...
-
NATO e shqetësuar, dislokon në Kosovë trupa nga forca e krijuar së fundmi, e aftë për “regim ndaj krizave”
Afro 200 trupa nga Forcat e reja Aleate të Reagimit (ARF) do të dislokohen në...
-
Zvicra dhe Italia rishikojnë kufirin për shkak të shkrirjes së akullnajave
Zvicra dhe Italia kanë rivendosur një pjesë të kufirit të tyre në Alpe për sh...
-
Përurohet një xhami shqiptare në Zvicër
Në Winterthur të Zvicrës, është përuruar xhamia shqiptare e quajtur “Winti”. ...
-
Ramadani-Sveçlës: Listës Serbe ia dhatë 360 mijë euro tri muaj pas Banjskës, KQZ-ja me partinë tënde
Njohësi i çështjeve të sigurisë, Burim Ramadani, i është kundërpërgjigur Mini...
-
I akuzuari për vrạsjen e 2017-ës në Prishtinë: Ju kërkoj falje prindërve të të ndjerit
I akuzuari Agron Vllasaliu gjatë dhënies së mbrojtjes të hënën në Gjykatën Th...
-
Ish zonja e parë e SHBA mbështet Harris: Do e mundi Trump-in
Ish-zonja e parë e cila kandidoi pa sukses kundër Trump në vitin 2016 ka kome...
-
Dëshmitari Rrahmanaj ankohet për trajtimin që i është bërë në Hagë
Gjatë dëshmisë së tij në Hagë, dëshmitari Ahmet Rrahmanaj kërkoi që t’i ndahe...
-
Ndryshimi i Ligjit për Skemat Pensionale, SBASHK po e kërkon mbështetjen e deputetëve
Pas dorëzimit të peticionit me mbi 30 mijë nënshkrime nga Sindikata e Bashkua...
-
Zvicra dhe Italia rishikojnë kufirin për shkak të shkrirjes së akullnajave
Zvicra dhe Italia kanë rishkruar një pjesë të kufirit të tyre në Alpe për shk...
-
Alban Hyseni zë vendin e tretë si kryetari që bëri më së shumti premtime, realizoi vetëm gjysmën
Kryetari i Komunës së Gjilanit nga Lëvizja Vetëvendosje, Alban Hyseni zë vend...