Lajme

Dy të dyshuarit ende në arrati, prokuroria jep detaje për vrasjen në Skenderaj

Autori: Gazeta inFokus 14:06 | 10 August 2023

Pas vrasjes së rëndë në fshatin Runik të Skenderajt ku mbeti i vrarë një person dhe u plagosën tre të tjerë, dy të dyshuarit ende janë në arrati.
Zëdhënësi i Prokurorisë Themelore të Mitrovicës, Valon Preteni ka thënë se Prokuroria bashk me Policinë e Kosovës po punojnë intensivisht në zbardhjen e rastit.

Ai tha se prokurorja e rasti e ka cilësuar rastin si “Vrasje e rëndë”.
Preteni tha se ende nuk është bërë identifikimi i dy personave të dyshuar që kanë kryer këtë vepër penale.

“Pas orës 01:20 është njoftuar prokurorja kujdestare në Prokurorinë Themelore në Mitrovicë e cila ka dal në vendngjarje bashk me policinë. Dy persona të maskuar kanë hyrë në një lokal në fshatin Runik të Skenderajt dhe kanë shtënë me armë. Si pasojë një person ka mbetur i vrarë dhe tre janë plagosur. Rasti është kualifikuar si vrasje e rëndë nga prokurorja. Trupi i pajetë i viktimës është dërguar në autopsi në IML. Policia bashk me prokurorinë janë duke ndërmarr veprime intensive hetimore në drejtim të zbardhjes së këtij rasti.

-Advertisement-

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme