Lajme

Dy të arrestuar për sulmin mbi ambasadën amerikane në Ankara

Autori: Gazeta inFokus 22:58 | 20 August 2018

Policia turke ka arrestuar Ahmet Celikten dhe Osman Gundas të dyshuar për sulmin e sotëm kundër Ambasadës së SHBA-së në Ankara, me ç’rast nuk pati viktima dhe as të lënduar.

Sulmi u krye në ora 17.30 sipas kohës lokale dhe sulmuesit kishin shtënë gjashtë plumba nga një veturë në lëvizje. Tre plumba goditën objektin e ambasadës, por fatmirësisht nuk pati viktima, apo të lënduar në njerëz.

Zyra e guvernatorit të Ankarasë njoftoi se gjatë kapjes së dy sulmuesve është gjetur edhe një revole 9mm, e cila dyshohet të jetë përdorur gjatë sulmit.

-Advertisement-

Celikten dhe Gundas kanë pranuar përfshirjen e tyre në sulm, thuhet në njoftimin e Zyrës së guvernatorit.

Celikten (1979) është i njohur edhe më herët për policinë për vepra të ndryshme kriminale, sikurse edhe Gundas (1980).

Ndërkohë, Ambasada amerikane në Turqi ka falënderuar policinë dhe qeverinë turke për përpjekjet e tyre për të kapur sulmuesit.

Presidenca turke ka dënuar sulmin duke thënë se ishte një përpjekje e qartë për të krijuar kaos.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme