Lajme

Dy shoqata nga Bosnja i dërgojnë letër presidentes Osmani

Autori: Gazeta inFokus 09:41 | 05 June 2025

Lëvizja e Nënave të Enklavave të Srebrenicës dhe Zhepës i kanë dërguar letër falënderimi presidentes Vjosa Osmani.

Bashkë me Shoqatën e Viktimave dhe Dëshmitarëve të Gjenocidit, Lëvizja ka falënderuar Osmanin për dhënien e medaljes presidenciale nënave të Srebrenicës.

Ndonëse Bosnja dhe Hercegovina nuk e njeh Kosovën si shtet, këto dy shoqata i janë referuar Kosovës si “Republikë”, shkruan IndeksOnline.

-Advertisement-

“E nderuar presidente,

Fjalët tuaja të ngrohta, kur dhuroni këtë mirënjohje, përfaqësojnë për ne një nder dhe respekt të madh për ju personalisht dhe kolegët tuaj.

Ju urojmë shumë suksese dhe ju ftojmë të jeni të ftuarit tanë më 11 korrik, në përkujtimin e 30-vjetorit të gjenocidit në Srebrenicë”, shkruhet në letrën e nënshkruar nga presidentët e të dy shoqatave, Murat Tahirovic dhe Munira Subasic.

Presidentja ndau medaljen më 2 qershor, duke thënë se guximi i nënave të Srebrenicës, përballë dhimbjes së paimagjinueshme të humbjes së më të dashurve të tyre, është frymëzim për gjenerata të tëra.

Këtë javë, në Kosovë qëndroi edhe ministri i Jashtëm i Bosnjës, Elmedin Konakoviç, qe më ftesë të presidentes Osmani mori pjesë në Forumin Ndërkombëtar për Gratë, Paqen dhe Sigurinë.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme