“Dy krisma të alltisë i kam dëgju”, dëshmitari rrëfen për momentin vrạsjes afër hotelit ku punonte në Dragodan
Autori: Gazeta inFokus 21:43 | 17 October 2024
Besnik Vitija, i cili kishte punuar në hotelin “Adria” kur kishte ndodhur vrasja në Dragodan, gjatë seancës së enjtes në Gjykatën Themelore të Prishtinës ka rrëfyer për momentin kritik, duke thënë se kishte dëgjuar dy krisma të armës jashtë hotelit.
Në këtë rast Avni Mustafa akuzohet për vrasjen e R.T në Dragodan dhe për armëmbajtje pa leje, kurse Mustafë Mustafa po akuzohet për pjesëmarrje në rrahje dhe armëmbajtje pa leje, ndërsa Leutrim Mustafa për manipulim me prova, raporton “Betimi për Drejtësi”.
“Për rize të Zotit na murret në qafë, dilni jashtë”, këto fjalë tha se i ka dëgjuar tek i ka thënë pronari i hotelit, sa kishte tentuar që të ulë tensionet në mes tani të ndjerit R.T dhe të akuzuarit Avni Mustafa.
Në pyetjen e prokurores Fatmire Cacaj, dëshmitari tha se gjatë momenteve kritike në mes të tani të ndjerit R.T dhe të akuzuarit Avni Mustafa, derisa pronari i hotelit ishte munduar që t’i ulë tensionet mes këtyre të fundit, ai kishte qëndruar mbrapa shtyllës afër derës, për të mos penguar askënd.
Gjithashtu, Vitija ka deklaruar se nuk ka dëgjuar të shtëna brenda lokalit, mirëpo jashtë lokalit.
“Dy krisma të alltisë i kam dëgju, më kujtohet se kanë qenë jashtë”, deklaroi dëshmitari Vitija.
Po ashtu, në pyetjen e mbrojtësit të të akuzuarit Avni Mustafa, avokati Besnik Berisha, Vitija tha se deklarata e tij e dhënë në Polici ka qenë pas dy tri ditësh dhe ka qenë i shokuar për shkak të rastit që e ka përjetuar.
“Ka qenë trauma, shokim, pasi që për herë të parë në jetën time kam parë një njeri në atë gjendje dhe dy javë nuk jam ndjerë mire”, tha Vitija.
Po ashtu, dëshmitari Vitija tha se deklarata e tij në Polici është e vërtetë dhe se nuk ka qenë i ndikuar nga askush.
Gjithashtu, në këtë seancë, Vitija ka identifikuar të ndjerin R.T dhe të akuzuarit përmes disa fotove nga video – incizimi i ditës kritike.
Seanca e sotme është ndërprerë për shkak të përfundimit të orarit të punës, për të vazhduar në një datë tjetër.
Ndryshe, sipas aktakuzës së ngritur me 11 tetor 2023 nga Prokuroria Themelore në Prishtinë i akuzuari Avni Mustafa me datë 19 mars 2023 rreth orës 13.20 në afërsi të hotelit “Adria” në Prishtine për shkak të një konflikti pronësor që dyshohet të jetë fajde e ka privuar nga jeta të ndjerin R.T duke e goditur një herë me revole në regjionin e gjoksit
I akuzuari Mustafë Mustafa në kohën dhe vendin e njëjtë akuzohet për veprën “pjesëmarrje në rrahje” dhe “mbajtje në pronësi, kontroll ose posedim të paautorizuar të armëve”.
Ndërkaq i akuzuari Leutrim Mustafa akuzohet për veprën penale “manipulim me prova” pasi që në aktakuzë thuhet se ka pranuar nga Mustafë Mustafa çantën e tani të pandehurit Avni Mustafa në të cilën ishte revolja e tipit “Zastaava” me të cilën ishte kryer vepra penale dhe të njëjtën e kishe fshehur në zyrën e tij.
Të tjera
-
Ambasadori suedez: Ura të hapet në koordinim me banorët lokalë
Ambasadori suedez, Jonas Westerlund në një intervistë për Tëvë1 është shprehu...
-
Hasani: Marrëveshja e Brukselit dhe ankesi i Ohrit rihapin çështjen e statusit të Kosovës
Ish kryetari i Gjykatës Kushtetuese, Enver Hasani në emisonin “Click” në RTV2...
-
I kërkuar ndërkombëtarisht për vrạsje e grạbitje – Policia e arreston 27 vjeçarin në Mitrovicë
Policia e Kosovës, gjegjësisht njësiti (FAST Kosova), me mbështetje të Njësis...
-
Raci: Opozita po e shfrytëzon Kuvendin për fushatë zgjedhore!
Nga pushteti akuzojnë opozitën se po gjen tema qëllimisht tash në prag të fus...
-
Haradinaj habitë me deklaratën: Albini ka ba foto me dronët “Bayraktar”, le të tregon qysh i ka humbë droni
Daut Haradinaj nga Aleanca për Ardhmërinë e Kosovës tha se “90% e pajisjeve u...
-
”Pritet arrestimi i tre ministrave të Albin Kurtit”
“Tre ministra të Qeverisë Kurti pritet të arrestohen”, kështu tha anëtari i K...
-
Daut Haraidnaj: Mimoza dinë qaq shumë për Kurtin, sa mund ta “varrosë” – andaj s’e qorton
Anëtari i Kryesisë së AAK-së, Daut Haradinaj ka folur rreth përgjimeve mes Mi...
-
Pacolli: Ka dëshmi që kam biseduar me Radoiçiqin në sy të Kurtit dhe Osmanit
Behgjet Pacolli, kryetari i Aleancës për një Kosovë të Re (AKR), ka thënë se ...
-
Daut Haradinaj me deklaratë të fortë: Ka përgjime më të rënda se këto të Kusarit me Radojçiqin
Anëtari i Kryesisë së Aleancës për Ardhmërinë e Kosovës (AAK), Daut Haradinaj...
-
Selmanaj thotë se Kusari-Lila është në gjendje të rëndë: Asnjë deklaratë nuk e ka të njejtë!
Deputeti i Lidhjes Demokratike të Kosovës, Driton Selmanaj ka komentuar bised...
-
Pacolli: Kam bërë gabim në votën për Qeverinë Kurti, Kosova ka ngecur në shumë fusha
Ish-presidenti Behgjeti Pacolli, duke reflektuar për punën e Qeverisë Kurti p...
-
Dakaj thotë se OSHP-ja u korruptua nga një kompani: I dha tender me ofertë më të shtrenjtë
Gazetari Shkelzen Dakaj e ka akuzuar Organin Shqyrtues të Prokurimit (OSHP) s...