Lajme

Duda Balje: Asociacioni në Kosovë mund të jetë i ngjashëm me Republikën Sërpska

Autori: Gazeta inFokus 11:45 | 24 December 2021

Deputetja e Kuvendit të Kosovës, Duda Balje, ka komentuar situatën politike në Bosnje e Hercegovinë, duke thënë që aty ka një jostabilitet tash e disa vite.

“Bosnja është politikisht jostabile qe shumë vite – prej Dejtonit e deri sot mendoj që nuk ka qenë shumë stabile politikisht”, tha ajo.

Në një intervistë në Klan Kosova, Balje ka thënë që lideri serb i Bosnje Hercegovinës, Milorad Dodik, është një person shumë radikal.

-Advertisement-

“Ata po zhvillojnë ide në Republikën Sërpska dhe janë duke bërë tollovi politikisht në Bosnje. Sa është e keqe dhe e rrezikshme ne të gjithë mund ta shohim këtë. Por, ne në fakt si Kosovë mund të mësojmë shumë prej Bosnjës. Çështja e formimit të Asociacionit në Kosovë, do ta aktivizonte më shumë dhe duhet të jemi më të kujdesshëm, pasi mendoj që plani është për ta bërë njëjtë siç ka ndodhur në Bosnje dhe kërkesa për formimin e Asocicacionit me mundësinë që ata mund ta bëjnë nesër në Kosovë, është një gjë që ne mund ta shohim këtë haptas”, u shpreh ajo.

Balje theksoi që duhet të jemi shumë të kujdesshëm në momentin kur bisedojmë me Beogradin.

“Një asociacion i mundshëm i komunave serbe në Kosovë mund të jetë i ngjashëm me Republikën Srpska”, tha deputetja e Kuvendit të Kosovës.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik

Të tjera

Fokusi

lajme