Lajme

Duartrokiti në dështimin e seancës, sqarohet Agim Bahtiri: E bëra për autogolin që ia bëri opozita vetës

Autori: Gazeta inFokus 17:07 | 15 April 2025

Pasi pa veten në lajme duke duartrokitur i vetëm për dështimin e seancës konstituive, deputeti i zgjedhur i Vetëvendosjes, Agim Bahtiri, doli me një shpjegim.

Ai thotë se atë e bëri për “ta përgëzuar opozitën për autogolën”.

“Aq e madhe është urrejtja dhe frika e opozitës ndaj Albin Kurtit, sa që as vetvetes nuk po ia besojnë mandatin më! Ndërsa, për duartrokitjen time që paska bërë “Boom” në media, e bëra për ta përgëzuar opoziten për autogolen që ia bëri vetës në sekondat e para të lojës. Bashkë me Listen Serbe, le të vazhdojnë, sa herë do të provojnë, aq herë do të dështojnë!”, ka shkruar Bahtiri.

-Advertisement-

Derisa deputeti Avni Dehari, që kryesoi seancën e sotme, ka lajmëruar ndërprerjen e seancës, kolegu i tij nga LVV, Agim Bahtiri, ka filluar të duartrokas.

Duke qenë se s’ka pasur arsye për duartrokitje, deputeti Arbër Rexhaj që ka qenë ulur në Kuvend përpara Bahtirit, është kthyer dhe e ka shikuar me habi se pse po duartroket.

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme