Lajme

“Duam paga tona”- Mësimdhënësit e Vitisë protestojnë para Qeverisë

Autori: Gazeta inFokus 13:16 | 04 Tetor 2024

Punëtorët e arsimit të Komunës së Vitisë kanë protestuar para Qeverisë së Kosovës, pasi kjo e fundit nuk ua ekzekutoi pagat e muajit shtator.

“Duam pagat tona”, “Edhe Vitia është n’Kosovë”, ishin disa nga mbishkrimet në pankartat e mësimdhënësve nga Vitia.

I pari i SBAShK-ut, Rrahman Jashari tha se java e ardhshme mund ta gjejë në grevë në arsim sistemin e arsimit në Viti, nëse nuk ekzekutohen pagat gjatë së premtes.

-Advertisement-

“I lutem që të presin pak. Janë shumë të revoltuar dhe java e ardhshme mund ta gjeje Vitinë në grevë. Veprime sindikale mund të ketë edhe në komuna tjera. Punëtoret e arsimit e kanë zërin e tyre qe i mbron. I kam dërguar ministrit Muratit letër, le ti zgjedhin çështjet institucionet, t’i procedojnë pagat”, ka thënë Jashari.

“Është mëkat se do të përballen edhe me kamata shtesë, i lus bankat që mos të veprojnë tani dhe mos t’i ndëshkojnë sepse qeverisja i ndëshkojë. Kam frike se do preken edhe komunat tjera”, shtoi ai.

Kemajl Bislimi, kryetari i BSPK në Viti, është shprehur i shqetësuar lidhur me mosekzekutimin e pagave për mësimdhënësit e Vitisë.

“Edhe njëherë ne emër te BSPK kërkoje nga partneri social të bëjë ekzekutimin e pagave. Nuk janë ekzekutuar pagat, në komunë na kanë thënë që faji është te Qeveria. Mësimdhënësit do të presin deri të hënën, do marrim masa tjera. Shqetësimet janë të mëdha. Pjesa e tyre dërmuese me obligime financiare, pastaj janë edhe një moshë e shtyrë”.

Të martën, Ministria e Financave ka thënë se nuk janë ekzekutuar pagat e për programet e arsimit fillor dhe të mesëm, pasi komuna e Vitisë nuk e ka siguruar buxhetin e nevojshëm.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy