Rozë

Dua Lipa pushton skenën e ‘Billboard Music Awards’

Autori: Gazeta inFokus 10:16 | 22 May 2018

Dua Lipa pushtoi skenën e Billboard Music Awards në Las Vegas, me një performancë shpërthyese të hitit të saj “New Rules”, i renditur në majat e klasifikimeve britanike.

Ylli shqiptaro-britanik i muzikës pop mbante një veshje të purpurt gjatë shfaqjes dinamike, ku shoqërohej nga flota e saj e kërcimtarëve dhe një zog flamingo ngjyrë rozë.

Një prej protagonistëve të ceremonisë që vlerëson dominuesit e sezonit muzikor, ishte padyshim Janet Jackson e cila tërhoqi çmimin e ikonës, 9 vjet pas daljes së fundit në skenë. Motra e legjendës së popit, Michael Jackson këndoi për publikun disa prej pjesëve të saj më të famshme.

-Advertisement-

Temat sociale ishin në plan të parë. Kelly Klarkson theksoi rëndësinë e masave ndaj kontrollit të armëve, pas masakrës në liceun e Santa Fe-së, ndërsa Janet Jackson dhe Taylor Swift, e vlerësuar si artistja më e mirë femër, ngritën zërin kundër abuzimeve seksuale.

Artisti më i mirë mashkull u shpall Ed Sheeran ndërsa si albumi me më shumë shitje u vlerësua ‘Reputation’ i Taylor Swift. Mes performancave më të spikatura ishin ato të Demi Lovatos dhe Christina Aguilerës.

Subscribe në YouTube: GAZETA INFOKUSI
Etiketa:
Black Friday ne Artmotion

Të tjera