Lajme

Dua Lipa kritikon ministrat britanikë për atë që thanë rreth emigrantëve shqiptarë

Autori: Gazeta inFokus 09:03 | 04 June 2023

Sekretarja e Brendshme, Suella Braverman, veçoi “kriminelët shqiptarë” pasi pretendoi se kishte një “pushtim” të Anglisë në një debat të Commons mbi kalimet me varka të vogla të Kanalit.

Ylli i popit, Dua Lipa, ka kritikuar mënyrën se si ministrat britanikë i kanë diskutuar emigrantët, shkruan irishexaminer.com, transmeton klankosova.tv.

Në një intervistë për Sunday Times, Lipa tha: “Sigurisht që dhemb.

-Advertisement-

“Të gjitha ato fjalë të hedhura rreth emigrantëve? Gjithmonë kam ndjerë se Londra ishte një bashkim kulturash. Është pjesë përbërëse e qytetit”.

“Kështu që kur dëgjon qeverinë që flet për shqiptarët, për shembull, të dhemb. Është dritëshkurtër dhe mendjevogëlsi, por është mënyra se si mendojnë shumë njerëz”.

“Pavarësisht se si ne përpiqemi të ndryshojmë retorikën, gjithmonë do të ketë nga ata që mendojnë, ‘Emigrantët po vijnë në vend dhe po zënë punë”.

“Megjithatë, emigrantët që kanë ardhur këtu e kanë fituar paranë e tyre duke punuar jashtëzakonisht shumë”.

“Duhet të ketë më shumë ndjeshmëri, sepse njerëzit nuk largohen nga vendi i tyre nëse nuk duhet ta bëjnë nga nevoja, nga frika për familjen e tyre”.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme