Lajme

Driton Selmanaj me“ultimatum” për Kurtin: Largo videon për Ivanoviqin dhe kërko falje

Autori: Gazeta inFokus 11:51 | 19 January 2023

Deputeti i Lidhjes Demokratike të Kosovës (LDK), Driton Selmanaj, ka kërkuar nga kryeministri i Kosovës, Albin Kurti që të heqë nga faqja zyrtare e qeverisë së Kosovës, videon ku përkujtoi e ngriti lartë ish politikanin serb, Oliver Ivanoviq.

Selmanaj në seancën e Kuvendit të Kosovës ka kërkuar po ashtu që presidentja e Kosovës, Vjosa Osmani të distancohet nga fjalët e Kurtit për Ivanoviqin, shkruan Gazeta Infokus.

Deputeti i LDK-së ka thënë se nëse kjo nuk ndodhë këtë qeveri do ta përndjekë përgjithmonë turpi.

-Advertisement-

“Kërkoj menjëherë që kryeministri të largojë këtë video dhe ti kërkojë falje qytetarëve si dhe presidentja të distancohet nga këto fjalë, përndryshe turpi do të iu përcjellë përherë”, ka thënë Selmanaj.

Kujtojmë që në 5 vjetorin e vrasjes së Ivanoviqit, Kurti i është drejtuar qytetarëve me një video e cila u publikua në faqen zyrtare të qeverisë së Kosovës.

Në këtë video, i pari i ekzekutivit, e ngriti lartë figurën e ish politikanit serb duke thënë se ai ishte një person të përkushtuar për të luftuar për interesat e komunitetit dhe qytetit të tij.

Video kjo që nxiti reagime të shumta, e madje reagoi edhe motra e viktimës së Ivanoviqit, Flora Idrizi Peci. Duke thënë se po shkruan me lot në sy, Flora Idrizi Peci, ka thënë se Oliver Ivanoviqi i ka vrarë vëllain.

“E mallkoj dorën e mendjen time që ta dhashë votën, unë motra e të vrarit”, ka shkruar ndër të tjera ajo.

LEXO EDHE:  Për Oliver Ivanoviqin dedikoi videomesazh por Kurti nuk e thotë as një fjalë për Smajl Hajdarajn

Idrizi-Peci ka thënë se Kurti ripërtëriu plagët e shqiptarëve me videon e tij përkujtuese për Ivanoviqin./Gazeta Infokus/

Subscribe në YouTube: GAZETA INFOKUSI
Udhëtoni drejt Berlinit me PrishtinaTicket me çmime speciale!
-Advertisement-

Të tjera

Fokusi

lajme