Lajme

⚽️ Drita mposht Dukagjinin, mbetet në Superligë

Autori: Gazeta inFokus 17:56 | 04 June 2017

Drita sërish fiton në barazh. Për të tretin vit me radhë, skuadra gjilanasve arrin të mbijetojë në Superligë pas ndeshjes së barazhit.

Kësaj radhe, bardhë e kaltrit mposhtën Dukagjinin 2:1. Ekipi nga Klina kishte kaluar në epërsi me golin e Emanuel Zallaj, për të barazuar më pas Semir Zeneli. Ky i fundit asistoi edhe për golin e dytë që e realizoi zëvendësuesi, Alban Shillova.

Ndërkohë, për Dukagjinin kjo është humbja e dytë radhazi në barazh pas asaj vitin e kaluar nga Drenica.

-Advertisement-

Dukagjini – Drita 1:2

Përfundon ndeshja

90+1 Gooool… Alban Shillova realizon për Dritën pas harkimit të Zenelit

88′ Alban Shillova në rast ideal, por portieri Bojaj reagon për mrekulli

75′ Karton i kuq për portierin e Dukagjinit, Visar Haxhijaj. Vendin e tij e zë Durim Bojaj

64′ Gooool… Aksion fantastik i Dritës i nisur nga Denis Haliti që dërgon topin deri te Përparim Livoreka, i cili harkon për Semir Zenelin, i cili shënon me kokë.

58′ Nderim Nexhpi liron vendin për Alban Shillovën. Megjithatë, mesfushori mbeti i pakënaqur për zëvendësimin, duke kërkuar shpjegime nga shtabi teknik për këtë

52′ Përjashtohet trajneri i Dukagjinit, Severin Elezaj pas një diskutimi me asistentin e parë, Erduan Baliqi

50′ ‘Gardiani’ Haxhijaj fantastik me pritjen e tij pas goditjes me kokë të Kryeziut

47′ Dukagjini shfaqet i rrezikshëm me Labinot Jetullahun, i cili gjuan furishëm nga distanca, por jashtë kuadratit të portës së portierit Halimi

Nis pjesa e dytë

Përfundon pjesa e parë

35′ Gooool… Emanuel Zallaj ka realizuar super-gol pas harkimit të Bacaliut. Dukagjini në epërsi

28′ Kryeziu i Dritës tenton nga distanca, sërsish Haxhijaj në vend

21′ Drita rrezikon seriozisht. Leotrim Kryeziu kthen një top për Semir Zenelin, gjuajtjen e të cilit e priti portieri Haxhijaj

10′ Ndeshje e baraspeshuar, skuadrat luajnë kujdesshëm

Nis ndeshja

Formacionet zyrtare:

Dukagjini: Haxhijaj, Bacaliu, Palushaj, Haliti, Zallaj, Avdyli, A. Gashi, F. Gashi, Merlaku, Jetullahu, Dakaj. Trajner: Severin Elezaj.

Drita: Halimi, Kuka, Hashani, Dragusha, Gashi, Sejdiu, Ramadani, Kryeziu, Nexhpi, Zeneli, Livoreka. Trajner: Milaim Zuzaku

Gjyqtarë: Tahiri, Baliqi, Sekiraqa, Isufi

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme