Kulturë

Dren Mustafa talenti që premton shumë

Autori: Gazeta inFokus 13:06 | 18 November 2023

Vendi ynë është i mbushur djem që kanë talente në futboll, karate, boks e disiplina të ndryshme sporti por të rrallë janë djemtë që zgjedhin të shkojnë në balet duke pas parasysh qe në vendin tonë baletin  ende e shohin me tepër si disiplinë për vajzat.

Shpesh ka ndodhur që djemtë ta shuajnë pasionin e talentin e tyre për balet për shkak të paragjykimeve dhe bullizimit. Por Dreni i ka lënë të gjitha prapa shpine dhe po e ndjek pasionin  dhe ëndrrën e tij për balet.

Dren Mustafa  është  nxënës i shkëlqyeshëm në klasën e VI-të në shkollën fillore “Hasan Prishtina”.

-Advertisement-

Ai po ashtu ndjek mësimet në klasën e III-të në shkollën e muzikës “Prenk Jakova” drejtimi Balet.

Dreni me shumë përkushtim ndjek edhe kursin e baletit ne studion “Behia’s Dance”. Edhe pse Dreni i ka vetëm 11 vjet ai ka marrë pjesë ne disa shfaqje si: Arrëthyesi, Liqeni i Mjellmave, La Sylphide, Don Quixote, Coppelia, Bukuroshja e Fjetur, Valsi i Pranverës, po ashtu ka marrë pjesë edhe në shfaqjen e organizuar për 50 vjetorin e Baletit Kombëtar të Kosovës.

Dreni është  një balerin i vogël por me ëndrra të mëdha, ai punon çdo ditë me shpresën që një ditë të jetë një balerin profesionist dhe ta përfaqësoj baletin e Kosovës ne skena evropiane.

Dreni se fundmi ka marrë pjesë në audicionin e Baletit Kombëtar të Kosovës

për balerinë profesionistë dhe balerinë të vegjël, për shfaqjen e baletit “Arrëthyesi”, shfaqje kjo e cila do të shfaqet si premierë me datë 16 dhe 17 dhjetor të këtij viti ku dhe e ka kaluar ne sukses.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Black Friday ne Artmotion

Të tjera

Fokusi

kulture