Drejtori i Përgjithshëm i Burgjeve, Arben Çuko, ka vënë gishtin në plagë për gjithë sistemin penitenciar në Shqipëri. Në daljen e parë publike që pas emërimit një muaj e gjysmë në parë në këtë detyrë, Çuko lajmëron një reformë të thellë në burgje që do të çojë këtë institucion në parametrat e duhur. I ftuar në emisionin “Debati në Channel One” të gazetarit Roland Qafoku, Çuko deklaroi se kjo reformë do të nisë nga vettingu për administratën dhe stafin e gardianëve e deri te politikat për trajtimin e të burgosurve që përfundojnë me përgatitjen për rehabilitimin e tyre në shoqëri pas lirimit.

“Nuk ka pranga të mjaftueshme. Nuk ka skanera për të kontrolluar sende që nuk lejohen në futen në qeli. Çdo ditë bllokohen dhe kapen celularë. Uniforma e gardianit është në kufijtë e mëshirës. Paga dhe trajtimi financiar i gardianit është shumë më poshtë një polici të zakonshëm. Është e papranueshme që për të transportuar të dënuarit ne kemi përdorur edhe fasho plastike dhe ko situatë duhet të marrë fund”, – tha Çuko.

Sipas Çukos, numri më i madh i personave për një vepër penale në burgje është i personave të arrestuar të hetuar dhe dënuar për kultivim të drogës dhe trafikut të tyre. Ai tha se nga 5284 persona që ndodhen aktualisht në 23 institucionet e rieduktimit, 1378 persona i përkasin kategorisë së aty që janë akuzuar dhe dënuar për këtë akuzë. Mes tyre janë 485 të dënuar dhe 893 ndodhen në paraburgim. Një rekord më vete shënon numri i personave që janë në qeli të dënuar me burgim të përjetshëm.

-Advertisement-

“Aktualisht 164 persona ndodhen në burgjet e sigurisë së lartë dhe duhet të kalojnë gjithë jetën në burgje të dënuar me vendimin ekstrem. Një tjetër vepër penale e përhapur për të cilën ndodhen në burgje janë ata që janë arrestuar dhe dënuar për vjedhje. Aktualisht janë më shumë se 800 persona që ndodhen në qeli për këtë vepër penale”, – deklaroi Çuko.

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-