Lajme

Drejtori i shkarkuar nuk e liron zyrën

Autori: Gazeta inFokus 14:35 | 20 November 2018

Ish-drejtori i Prokurimit në kuadër të Ministrisë së Infrastrukturës, Nexhat Krasniqi, përkundër shkarkimit, nuk e ka liruar zyrën dhe vazhdon të pengojë në kryerjen e detyrës zyrtare dhe po bën nënshkrime të dokumentacioneve në formë të kundërligjshme.

Kështu tha sot ushtruesi i detyrës së sekretarit të Përgjithshëm në këtë ministri, Betim Reçica gjatë një konference për media lidhur më këtë çështje. Sipas Reçicës, ata kanë nxjerrë urdhëresa për pezullim të punës dhe ndalim të hyrjes në objektin e ministrisë të ish-drejtorit Krasniqi.

Reçica tha se momentalisht janë organet e rendit duke u marrë me këtë rast, mirëpo me gjithë këtë ai po vazhdon të pengojë zhvillimin e punës në divizionin e prokurimit.

-Advertisement-

Reçica shtoi se përkundër paralajmërimeve, Nexhat Krasniqi nuk e ka liruar detyrën dhe janë ndërmarrë hapa ligjorë, pasi divizioni që ai drejton nuk ka funksionuar si duhet.

Ndryshe, në vitin 2015, Nexhat Krasniqi ishte dënuar me dy vite e dy muaj burg nga Gjykata Themelore në Prishtinë për keqpërdorim të pozitës zyrtare.

Subscribe në YouTube: GAZETA INFOKUSI