Lajme

Drejtori i Arsimit në Fushë Kosovë hedh poshtë akuzat e PDK-së rreth mësimit online

Autori: Gazeta inFokus 14:27 | 19 November 2020

Partia Demokratike e Kosovës gjatë ditës së enjte ka akuzuar se Shkolla Fillore “Mihal Grameno” në Fushë Kosovë tash e 14 ditë nuk ka mbajtur asnjë orë mësimore në formë online. Për këtë ka kërkuar edhe dorëheqjen e Drejtorit të Arsimit në këtë komunë Islam Shabanit

Por këto akuza janë hedhur poshtë nga vet Drejtori i Arsimit në komunën e Fushë Kosovë, Islam Shabani.
Sipas Shabanit në këtë shkollë mësimi nga distanca është mbajtur me rregull dhe nuk është humbur asnjë orë mësimore.

“Nuk është e vërtetë që janë humbur orë mësimore. Akuzat e PDK-së nuk qëndrojnë. Ne vazhdimisht kemi bashkëpunuar më nxënësit dhe mësimdhënësit kanë qenë në kontakt të vazhdueshëm me ata”, ka thënë ai.

-Advertisement-

Shabani tha se mësimi në formë fizike është ndërprerë pasi 7 mësimdhënës të kësaj shkolle kanë qenë të infektuar me COVID-19.

“Ne e kemi ndaluar mësimin në shkollë për shkak se 7 mësimdhënës kanë rezultuar pozitiv me koronavirus pasi kemi marrë udhëzimet nga Instituti Kombëtar i Shëndetësisë Publike kemi kaluar në formën online” ka thënë drejtori i arsimit në Fushë Kosovë.

Shabani tregoi se kjo shkollë nga e hëna do të ndalojë mësimin nga distanca dhe do të kthehet në ambientet e shkollës.

“Të hënën do të fillojmë me mësimin në Shkollë pasi kanë kaluar dy javë nga kur janë infektuar mësimdhënësit dhe tani mund të vazhdojmë mësimin në Shkollë”, tha ai.

Gjithashtu Shabani ka thënë se askush nuk mund të kërkojë dorëheqjen e tij kur asgjë nga ato që janë thënë nuk janë të vërteta.

Kujtojmë se gjatë ditës së enjte Partia Demokratike e Kosovës (PDK) në Fushë Kosovë ka kërkuar që drejtori i Arsimit në këtë komunë, Islam Shabani, të jap dorëheqje sepse për dy javë nuk është mbajtur asnjë orë mësimore në Shkollën Fillore të Mesme të Ultë” Mihal Grameno”. /Gazeta inFokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy