Drejtësi për Demokracinë!
Autori: Gazeta inFokus 16:18 | 21 November 2017
Shkruan: Xhemal Ahmeti
Gjatë votimit në Prishtinë dhe Prizren paskan ndodhur aksione ilegale ose brenda zonës gri që janë subverzion i drejtpërdrejtë i procesit të barabartë, të drejtë dhe transparent të votimit. Për këtë si duket s’ka dilemë më. KQZ dhe prokuroritë e qyteteve përkatëse duhet të formojnë një Task Force që sqaron këtë punë shpejtë dhe shpëton kredibilitetin e shtetit në organizimin korrekt të zgjedhjeve.
Me keqardhjen më të thellë duhet të pranojmë se këtyre zgjedhjeve, në Kosovë, u thye kultura e votimit korrekt, transparent dhe të barabartë ndërmjet subjekteve politike. Lëvdata se “Republika më e re” ballkanike organizon zgjedhjet më të lira dhe demokratike – konform ligjeve ndërkombëtare e vendore – në rajon nga tash nuk vlen më. Prishtina, Prizreni dhe Mitrovica janë kalatë e këtij subversioni, respektivisht dy partitë si duket paskan kriminalizuar procesin e votimit me metoda të ndaluara; Sipas informantëve të ndryshëm dhe apartiak nga Mitrovica merret vesh gjoja AKR përveç formës së “trenit bullgar” paska praktikuar edhe honorimin material nga anëtarë të shpërndarë të kësaj partie para shtëpive të atyre që duhej të votonin. LVV në Prishtinë dhe Prizren nëpërmjet webfaqeve dhe OJQ-ve ilegale, sms-ave, viberit e whatsup-it paska thithur ilegalisht të dhëna qytetarësh, paska ushtruar trysni ndaj votuesve dhe paska transportuar njerëz në formë të organizuar deri në qendrat e votimit në këmbim të votës.
Këto janë vetëm disa nga akuzat, të cilat tashmë pjesërisht edhe u pranuan (transporti) nga subjektet në fjalë. Natyrisht se militantët e këtyre partive dhe ato vetë do të përpiqen që t’i minimojnë, respektivisht banalizojnë këto metoda si legale, moralisht brenda zonës gri por pa u shkelur ligji. E vërteta mirëpo është se duhet të reflektohet në disa drejtime: A duhet tu hapet porta formave të këtyre edhe për në të ardhmen? Si duhet ta shohim dikë që vjedh votën ose e merr atë me manipulime eklatante nëpërmjet OJQ-ve fantome, taksive dhe formave tjera jodemokratike? Sa është serioze lufta kundër korrupsionit e dikujt që vetë me këto mjete vjen në pushtet? Dhe tjera në këtë drejtim.
Natyrisht se askush nuk pret që dikush të jetë aq krenar dhe dinjitoz saqë vetë të japë dorëheqje nga gara se pjesë të partisë së tij paskan vepruar ilegalisht. Pushteti është demoni vetë dhe s’të lejon aq lehtë dhe Kosova nuk është Gjermani a Zvicër kur presioni i mediave dhe opinionit do të të bënte të ikësh përfundimisht nga politika.
Prandaj është e një rëndësie shumë të madhe që në këtë drejtim të intervenojë shteti, me ashpërsinë e tij më të madhe. Përndryshe ua hap dyert falangave të llojllojshme dhe partive tjera që të besojnë se nesër nëpërmjet praktikave që supozohen të kenë ndodhur ta instalojnë çdo diktaturë të tyre të mundshme.
Valdete Daka dhe KQZ nuk duhet ta vënë në pikëpyetje kredibilitetin që e kanë fituar me kaq korrektësi në gjitha ato palë zgjedhje dhe ta lënë të kalojë këtë sabotim të rendë e eventual pa ndërmarrë asgjë. KQZ në bashkëpunim me prokuroritë e këtyre qyteteve duhet të formojnë në Task Force e cila urgjentisht heton gjitha keqpërdorimet e mundshme në tri qytetet e përmendura. Nëse janë spekulime le të eliminohen, nëse janë të vërteta partitë duhet të ndëshkohen. KQZ le të vendos pastaj se anulohen, rinumërohen apo se çka ndodhë me votimin në këto qytete.
Shteti ligjor dhe demokracia transparente dhe kualitative nuk ndërtohen ndryshe. Në mos për asgjë tjetër ky hetim do t’i alarmonte edhe tjerët që kësaj radhe patën fatin mos të kapen me presh në dorë për metodat jo të ndershme që përdorin gjatë konkurrimit për poste dhe pushtet.
Të tjera
-
“Shkarkojnë policë që hetojnë akterët e VV-së”, Kica-Xhelili numëron skandalet e Qeverisë Kurti
Doarsa Kica Xhelili, deputete e LDK-së, ka renditur sipas saj dhjetë skandale...
-
Krasniqi viziton Ganimete Musliun pas ndërhyrjes që pati: Ke shumë miq, kolegë dhe dashamirë që mezi presin rikthimin tënd
Kryetari i PDK’së, Memli Krasniqi, ka njoftuar se bashkë me gruan e tij, Meli...
-
Një çift i moshuar kosovar arrestohet në Gjermani në prani të mbesës 8-vjeçare
Policia federale e Gjermanisë ka arrestuar një çift në aeroportin e Dortmundi...
-
Dyshohet për sülm sek*ual ndaj 16 vjeçares në Shtime, kërkohet paraburgimi i të pandehurit
Tridhjetë ditë paraburgim ka kërkuar Prokuroria Themelore në Ferizaj për Xh.I...
-
Kuvendi miratoi Projektligjin për zyrtarët publikë
Kuvendi i Kosovës ka miratuar në shqyrtim të parë Projektligjin për zyrtarët ...
-
Përfundon dëshmia e dëshmitarit të 57-të në rastin e Thaçit dhe të tjerëve
Dhomat e Specializuara të Gjykatës Speciale të Hagës bëjnë me dije sot ka për...
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...
-
Përfundon gjykimi i Thaçit dhe të tjerëve për këtë javë
Pas përfundimit të dëshmisë së dëshmitarit të 57-të të ZPS-së, gjykimi në çës...
-
Kurti para gjermanëve: Duam t’i bashkohemi BE-së, NATO-s dhe KiE-së
Kryeministri Albin Kurti ka përmendur qëllimin e Kosovës për integrimin euroa...
-
Rikthimi i ftohtit rrezikon të mbjellat në Evropë
Moti i ftohtë i këtyre ditëve e në disa rajone të Evropës edhe breshëri që ka...