Ish-analisti ushtarak i kriminelit të luftës Sllobodan Millosheviq, aktualisht në shërbim të Vuçiqit, Millovan Drecun, ka pretenduar se “është i shqetësuar për faktin se Kurti po përgatitet për t’i dhënë fund pushtimit të veriut të Kosovës dhe për këtë arsye po përgatit Ushtrinë e Kosovës”.

“Kur i bashkon veprimet e Prishtinës, kur sheh veprimet e ndërmarrë nga SHBA dhe NATO, takimin e paralajmëruar Vjosa Osmani-Stoltenberg, shtrohet pyetja pse janë përshpejtuar përgatitjet për kompletimin e formimit të Ushtrisë së Kosovës para fundit të afatit të dakorduar, i cili skadon në vitin 2029, nëse nuk po përgatitet përdorimi luftarak i këtij formacioni”, ka thënë Drecun për mediat serbe.

Ai ka shtuar se kohëve të fundit është nënshkruar një marrëveshje mes SHBA dhe Kosovës për mbrojtjen e sigurisë së informacioneve konfidenciale dhe se ambasadori amerikan në Kosovë, Jeffrey Hovenier, në emër të SHBA ka thënë se kjo marrëveshje do të kontribuojë në shkëmbimin e të dhënave të inteligjencës të cilat do të sigurojnë integritetin territorial dhe sovranitetin e Kosovës, transmeton Paparaci.

Ai tregon se marrëveshje të tilla nënshkruhen për të shkëmbyer informacione në kushte krize, gjë që mund të shihet në shembullin e luftës në Ukrainë.

Po ashtu, Drecun ka pretenduar se në vend që të vendoset shërbimi i rregullt ushtarak në Kosovë, i cili duhej të ndodhte në vitin 2028, ka armatosje dhe stërvitje e të rinjve, si dhe ka një deklaratë të ministrit të ri të Mbrojtjes, Maqedonci, “që shkakton brengosje më të madhe”.

Sipas Drecunit, Maqedonci ka thënë se FSK-së do t’i hiqet obligimi për të hyrë në veri me lejen e KFOR-it, dhe këtë nuk e ka thënë sepse ka qenë dëshira e tij, por sepse ka pasur marrëveshje me ndonjë nga shtetet – SHBA, Gjermani, Turqi…

Ai gjithashtu thekson se komandanti i ri i KFOR-it është një gjeneral turk, se kontingjenti turk në KFOR është më i fuqishmi dhe se kontingjentet e Shqipërisë, Britanisë së Madhe dhe Gjermanisë janë dyfishuar.

“E keni edhe situatën me armatimin, të gjitha këto tregojnë se “po përgatiten aksione ushtarake në veri të Kosovës”, dhe pastaj e kemi çështjen kyçe – vendosjen e njësive në veri, që paraqet “pushtim të pjesshëm të veriut”. Qëllimi i Kurtit është pushtimi i tërësishëm i veriut të Kosovës, gjegjësisht pushtimi ushtarak dhe për këtë i duhen forca shtesë. Është Ushtria e Kosovës në zhvillim, FSK-ja aktuale. Për ta arritur këtë, ai shpalli dy organizata terroriste në mënyrë që të gjejë justifikim për faktin se ai ka nevojë për një ushtri për t’u marrë me terroristët”, ka pretenduar Drecun.

A prishet cilësia e gjumit nëse pini kafe në mbrëmje?

Sponsoruar