Lajme

Dorëzohet në polici ferizajasi që gjuajti me armë në drejtim të tre personave në një veture

Autori: Gazeta inFokus 10:01 | 22 Maj 2023

Policia e Kosovës ka njoftuar se i dyshuari për tentim vrasje në Ferizaj, i cili me 20 maj kishte gjuajtur me armë në drejtim të një veture ku gjendeshin 3 persona, është dorëzuar në polici pas dy ditësh.

Ai ka dorëzuar edhe armën me të cilën ka shtënë në drejtim të tre personave ndërsa sipas policisë është dërguar në mbajtje për 48 orë.

“Lidhur me rastin me datën 22.05.2023 në stacion policor është vet-dorëzuar i dyshuari mashkull kosovar nga i cili është sekuestruar një pistoletë e cila dyshohet se ishte përdorë në rast. I dyshuari me vendim të prokurorit është arrestuar dhe është dërguar në mbajtje për 48 orë”, njofton policia.

-Advertisement-

Kujtjmë se rasti kishte ndodhur para dy ditësh ku nga policia për Gazetën Infokus kishin konfirmuar se i dyshuari kishte ikur nga vendi i ngjarjës dhe rasti po trajtohej si vrasje në tentativë.

“Viktima mashkull kosovar ka raportuar se përderisa ka qenë ne veturë me dy shokë, ka ardhur një veturë tjetër nga e cila një i dyshuar mashkull kosovar ka shtënë me armë zjarri në drejtim të veturës së tyre, dhe ka ikur nga vendi i ngjarjes. Viktimës iu është ofruar tretman mjekësor dhe sipas mjekut viktima ka pësuar lëndime nga copëzat e xhamit si pasoj e shkrepjes me armë. Njësitë relevante policore kanë dalur në vendin e ngjarjes ku kanë gjetur dhe sekuestruar tre gëzhoja. I dyshuari ende nuk është hasur nga njësitë policore. Rasti në procedurë hetimore”, kishin deklaruar nga policia./Gazeta Infokus/