Dorëzohet Ivanov, mandaton Zaevin për formimin e qeverisë
Autori: Gazeta inFokus 13:20 | 17 May 2017
Më në fund, Gjorge Ivanov u dorëzua përpara presioneve të brendshme e atyre ndërkombëtare. Pas zhytjes së vendit në një krizë të thellë politike dhe ecejakeve të politikanëve europianë e amerikanë në Shkup, kreu i shtetit maqedonas u bind t’i dorëzonte udhëheqësit të opozitës, Zoran Zaev, mandatin e formimit të qeverisë.
Ivanov deklaroi se pengesat për dhënien e këtij mandati tashmë ishin larguar dhe pret nga njeriu që do të krijojë ekzekutivin, përmbushjen e detyrimeve kushtetutese.
“Pengesat për dorëzimin e mandatit qeverisës tashmë janë mënjanuar. Sot po përmbushim nenin 84 alineja 1, nga Kushtetuta e Republikës së Maqedonisë, i cili parashikon dhënien e mandatit për krijimin e Qeverisë së Republikës së Maqedonisë. Koalicioni i udhëhequr nga LSDM-ja, e cila ka shumicën në Kuvendin e Maqedonisë, ka propozuar si kandidat zotin Zoran Zaev”, tha Ivanov.
Merr fund kështu saga disamujore e krijimit të ekzekutivit në Maqedoni, e bashkë me të edhe boshllëku qeverisës i krijuar pas zgjedhjeve të përgjithshme të 11 dhjetorit. Zaev e pranoi mandatin, ndërsa garancitë e dorëzuara me shkrim presidentit i bëri publike edhe për opinionin.
“Edhe njëherë dua të theksoj përpara të gjithëve se pengesat për dhënien e mandatit tashmë janë kapërcyer. Kryetari i Kuvendit, Talat Xhaferi e kishte dorëzuar letrën e tij, ndërsa unë, ashtu siç premtova përpara qytetarëve dhe presidentit Ivanov, paraqita një deklaratë në formë garancish, të cilën e ndaj me qytetarët e Republikës së Maqedonisë, njësoj siç është dorëzuar në Kabinetin e Presidentit”, tha Zaev.
Zaevi i kishte dërguar dy herë letër kreut të shtetit, duke e siguruar se do të ruhet karakteri unitar i vendit, sovraniteti, tërësia territoriale dhe karakteri shumetnik, i cili ishte edhe kushti i presidentit maqedonas që nga shpallja e shumicës së re parlamentare para pak muajsh.
Kreu i LSDM-së ka tani 20 ditë afat për krijimin e kabinetit qeveritar dhe dorëzimin e programit qeverisës përpara ligjvënësve në Parlament. Partitë shqiptare Bashkimi Demokratik për Integrim dhe Aleanca për Shqiptarët janë të sigurta se do të jenë pjesë e koalicionit të ri qeveritar, ndërsa Lëvizja Besa ende nuk e ka shprehur qëndrimin e saj përfundimtar. Pa këtë të fundit, shumica parlamentare ka 62 vota në Parlament, të mjaftueshme për miratimin e ekzekutivit.
Të tjera
-
Dalja e shqiptarëve në zgjedhje në Maqedoninë e Veriut shënon rënie
Dalja e shqiptarëve në zgjedhjet presidenciale të 24 prillit në Maqedoninë e ...
-
Tejkaloi shpejtësinë e lëvizjes, gjobitet me 300 euro
Policia e Kosovës njofton se njësia për kontroll të autostradave, në zonën ku...
-
Gjermania e bindur se Brukseli do të ecën drejt heqjes së sanksioneve pas votimeve në veri
Me organizimin e procesit të votimit për shkarkim ose jo të kryetarëve aktual...
-
Policia gjen dy bun*erë dhe ąrmë zjąrri në rajonin e Prishtinës dhe Gjilanit
Policia e Kosovës njofton se gjatë një operacioni të koduar ‘Baroni’ në rajon...
-
Ish-presidentja Jahjaga tregon si ia siguroi Kosovës pajisjen mjekësore 1.5 milionëshe nga Fondacioni Alwaleed
Ish-presidentja e Kosovës, Atifeta Jahjaga, ia ka siguruar QKUK-së një pa...
-
Maqedonci thotë se “Ushtari më i mirë 2024” tregon për nivelin e bashkëpunimit të FSK-së me vendet partnere
Ministri i Mbrojtjes, Ejup Maqedoni, ka dhënë komentet e tij lidhur me mbajtj...
-
Sveçla me Hoxhën dhe Hodajn, diskutojnë mbi raportet e inspektimeve të IPK-së për Policinë e Kosovës
Ministri i Punëve të Brendshme Xhelal Sveçla ka pritur sot në takim pune drej...
-
IPK-ja rekomandon suspendimin e një togeri, dyshohet se manipuloi me orët shtesë
Inspektorati Policor i Kosovës i ka rekomanduar policisë suspendimin e një to...
-
“Ka vetu, e ka bo Zoti dritë dhe e kom pa atë njeri”, thotë dëshmitarja për vr āsjen e trefishtë në Gllogjan
Dëshmitarja Nexhmije Zhuti, në seancën e shqyrtimit gjyqësor ndaj tre të akuz...
-
Musliu-Shoshi: Aleatët e Kosovës e kanë humbur besimin te Qeveria Kurti
Deputetja e Partisë Demokratike të Kosovës, Ariana Musliu-Shoshi ka folur mbi...
-
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini?
Gazetari gjerman i “Frankurter Algemeine Zeitung”, Michael Martens pas vizitë...
-
Osmani për fjalimin e Vuçiqit në KS të OKB-së: Të vërtetën tonë nuk mundet ta sulmojë e as ta mohojë askush, e as Serbia
Presidentja e Kosovës, Vjosa Osmani, është deklaruar rreth reagimit të presid...