Kryeshefi ekzekutiv i Telekomit të Kosovës, Agron Mustafa, sot ka nënshkruar marrëveshje mirëkuptimi me Blerim Devollin, pronarin e “Devolli Group” i cili ka në pronësi operatorin virtual “Z Mobile”.

Marrëveshja nënkupton pezullimin e Arbitrazhin për 32 milion euro i cili ishte detyrim  i TK-së ndaj kompanisë së Devollit e qe nëse do të zbatohej do ta qonte në falimentimi ndërmarrjen me profitabile në vend.

Agron Mustafa, tha se me nënshkrimin e marrëveshjes, shmangëm një falimentim potencial të Telekomit të Kosovës. 2300 punëtorë do ta ruajnë vendin e punës. Në vend të gjobës 32 milionë euro, do të paguhen vetëm shpenzimet gjyqësore. ”Punëtorët dhe familjarët e tyre të flenë të qetë sepse shmangëm falimentimin”, tha Drejtori Menaxhues i Telekomit të Kosovës, Agron Mustafa.

Kontrata e operatorit virtual “Z Mobile” është e njohur për opinionin publik se ishte skandaloze dhe nga fillimi ishte cilësuar si shumë e dëmshme për shtetin.

Por në fund të gjithë kësaj historie të cilësuar edhe si kriminale, Blerim Devolli u tërhoq nga përfitimi edhe i afër 30 milionë eurove të fituara në Arbitrazh ndërkombëtar për gjoja si dëmshpërblim për mos respektim të kontratës për numrat shtesë qe kishte kërkuar dhe për mos implementimin e 3G dhe 4G.

Kjo tërheqje e një shumë kaq të madhe parash vërteton dyshimet e ngritura se fundi nga menaxhmenti i PTK-së për falsifikim të kontratës. Argumentet e gjetura nga zyra ligjore e PTK-së janë dëshmi qe I janë dorëzuar hetuesisë vendore dhe pas fillimit të këtij procesi.

Blerim Devolli me gjasë u tërhoq nga 30 milionë euro pikërisht për të mos u hetuar deri në fund ky rast e që në përfundim mund ta qonte në burg një numër të madh të njerëzve qe kanë punuar për interesat e tij dhe atë për përfitime të paligjshme me “Z Mobile”.

Lexojeni shkrimet e publikuara ditë me pare nga portal INFOKUSI

Lexojeni shkrimet e publikuara ditë me pare nga portal INFOKUSI

Skandaloze: “Z Mobile” fitoi 30 milionë euro në Arbitrazh me kontratë të falsfikuar!

Kontrata mes PTK-së dhe “Daradafon.net LLC” për numrat e operatorit virtual “Zmobile” është e falsifikuar. Këtë fakt e bëri publik mbrëmë në një intevistë për “Zona Express”, drejtori i PTK-së, Agron Mustafa.

Sipas informatave qe ka siguruar portali INFOKUSI, kontrata mes PTK-së dhe “Daradafon.net LLC” për operatorin virtual “Z-Mobile” është falsifikuar duke e ndryshuar komplet një paragraf dhe nga ky nen / paragraf i falsifikuar, me ç’rast edhe është fituar rasti në Gjykatën e Arbitrazhit, ku Telekomi humbi 30 milionë euro.

Bordit i PTK-së në vitin 2007 kishte miratuar ndarjen e serisë së numrave për “Z Mobile” duke e specifikuar qartë se cilët i takojnë operatorit virtual “Z  Mobile” dhe cilët numra do të vazhdojnë të mbetën për operatorin publik “Vala”.

Ndërsa në kontratën e hartuar me pas nga Zyra Ligjore dhe menaxhmenti është hequr ky paragraf, ku specifikohet ndarja e serisë së numrave, prej vetëm 200 mijë sosh, duke e lënë të hapur mundësinë qe operatorit “Zmobile” t’i ndahën edhe seri tjera të numrave mbi limitin e aprovuar nga Bordi.

Zyra Ligjore e Telekomit të Kosovës  i ka gjetur të gjitha shkresat dhe vendimin e Bordit dhe ka deponuar në Prokurorinë e Shtetit padi për këtë falsifikim.

Portali ‘Infokusi’ ka mbi 2 javë qe i ka derguar pyetje përmes e-mailit zëdhënsës së Prokurorisë së Shtetit, Liridona Kozmaqit, por nuk ka marrë përgjigje lidhur me këtë rast.

Ndërsa në përgjigjet e kompanisë “Zmobile”, portalit ‘Infokusi’ i është terhequr verejtja se do të këtë pasoja ligjore nëse i publikon këto informata.

Përndryshe, për një falsifikim të tillë të kontratës janë njoftuar edhe kryeministri Isa Mustafa, kryeparlamentari Kadri Veseli dhe ministri i Zhvillimit Ekonomik, Blerand Stavileci.

LEXO EDHE:

Fakte të reja: Drejtori i PTK’së tregon si u falsifikua kontrata me Z-Mobile (Video)

Në emisionin Komiteti që transmetohet në RTV Dukagjini, drejtori i Telekomit të Kosovës, Agron Mustafa, ka folur për gjobitjen e PTK’së nga Gjykata e Arbitrazhit për shkak të mospërmbushjes së kontratës me operatorin Z-Mobile.

LEXO EDHE:
Çfarë ndodhi me hetimet e Prokurorisë Speciale për numrat e “Z Mobile”?!

Çka ndodhi me hetimet e Prokurorisë Speciale për numrat e “Z Mobile”?

Portali INFOKUSI në nëntor të vitit 2014 publikoj faktet se si Bordi i Autoritetit Rregullativ të Komunikimeve Elektronike dhe Postare, 3 muaj pasi i kishte skaduar mandati mori vendim i cili e obligonte Telekomin e Kosovës qe t’i ndante edhe 100.000 numra të tjerë për operatorit virtual “Z Mobile”, kompanisë “Dardafon”. Net L/L.C, në pronësi të vëllezërve Devolli, Blerim e Shkëlqim Devollit.

Pas këtyre shkrimeve dhe mos respektimit të këtij vendimi nga menaxhmenti i PTK-së, Prokuroria Speciale e Kosovës e kishte konfirmuar nisjen e hetimeve rreth këtij rasti, por asnjëherë nga ajo kohë nuk ka njoftuar se deri ku kanë shkuar hetime apo ishte i drejt ky vendim i bordit të ARKEP-it?!

Tani si pasoj e mos respektimit të atij vendimi të Bordi i Autoritetit Rregullativ të Komunikimeve Elektronike, për 100.000 numra dhe për mos respektim të kontratës për shërbimet 3G dhe 4G, Arbitrazhi e dënoj Telekomin e Kosovës me 30 milionë euro.
Ky është konfirmimi i parë nga Prokuroria Speciale e Kosovës për fillimin e hetimeve për vendimin e Bordit të ARKEP-it me datën 16 dhjetor 2014.

Me pas, në Gusht 2015 portali INFOKUSI ishte interesuar edhe një herë deri ku kanë shkuar këto hetime dhe zëdhënësja e Prokurorisë Speciale kishte konfirmuar se janë në fazën finale.

LEXO EDHE: Prokuria Speciale në përfundim të hetimeve  për skandalin e 100.000 numrave të “Z Mobile”.

Kurse ky është e-maili me përgjigjet e zyrës se informimit të Prokurorisë Speciale të Kosovës i datës 25 Gusht 2015.

 Lexo EDHE:

Mustafa: Kontrata e Z-Mobile e dëmshme, përgjegjësitë para drejtësisë

Kryeministri i Kosovës, Isa Mustafa, në seancën ku pritet të nxirret për votim mocioni i opozitës për rrëzimin e Qeverisë, ka thënë se kontrata e “Z mobile” me PTK-në është e dëmshme dhe ka inkurajuar drejtësinë që përgjegjësit t’i vejë përpara.

Afati i fundit për regjistrime në programin MSc. Data Science & Analytics në UNI – Universum International College – Powered…

Sponsoruar