Shëndetësi

Doni një zemër të shëndetshme? 7 hapa të thjeshtë që duhet të ndiqni

Autori: Gazeta inFokus 07:24 | 19 September 2022

Shoqata Amerikane e Zemrës (SHAZ) ka renditur shtatë hapa “të thjeshtë” që mund të ndërmerrni për një zemër të shëndetshme.

Në publikimin e saj në “Journal of the American Heart Association”, SHAZ e kategorizon shëndetin kardiovaskular si të dobët, të mesëm ose ideal. Sipas SHAZ një shëndet ideal kardiovaskular për të rriturit përcaktohet nga këto masa shëndetësore:

1. Asnjëherë nuk e keni pirë duhanin apo e keni lënë më shumë se një vit më parë.

-Advertisement-

2. Një indeks i shëndetshëm i masës trupore (IMT), që është një vlerësim i yndyrës trupore i përcaktuar nga një formulë duke përdorur peshën dhe gjatësinë.

3. Aktivitet fizik i rregullt. Të paktën 150-200 minuta në javë ushtrime me intensitet të moderuar janë të nevojshme për shëndetin ideal, ose 75 minuta në javë aktivitet fizik intensiv.

4. Presioni i gjakut nën 120/80 mm Hg.

5. Glukoza e gjakut esëll më pak se 100 miligram/deciliter.

6. Kolesteroli total më pak se 200 miligram/decilitër.

7. Ngrënia e një diete të shëndetshme.

Për një dietë me 2000 kalori duhet të përfshihen:

– Të paktën 4.5 porcione me fruta dhe perime në ditë

– Të paktën dy porcione peshku në javë, mundësisht peshk me vaj

– Të paktën tre porcione nga 28 gramë me drithëra të pasura me fibra në ditë

– Kufizimi i kripës në më pak se 1500 miligramë në ditë

– Pirja e jo më shumë se 1 litër në javë e pijeve të ëmbla me sheqer.

Subscribe në YouTube: GAZETA INFOKUSI
Etiketa:

Të tjera

Fokusi

shendetesi