Lajme

Donacioni gjysmë milionësh për Radiologjinë, Vitia e cilëson ditë të rëndësishme për shëndetësinë

Autori: Gazeta inFokus 14:14 | 30 Korrik 2024

Klinika e Radiologjisë ka pranuar një donacion nga Zyra për Mbrojtje dhe Bashkëpunim në Ambasadën Amerikane, në vlerë afër 500 mijë euro.

Ministri i Shëndetësisë, Arben Vitia, tha se ky investim është tejet i rëndësishëm për pacientët, ndërsa falënderoi Zyrën për Mbrojtje dhe Bashkëpunim në Ambasadën Amerikane.

Vitia këtë ditë e ka vlerësuar të rëndësishme për shëndetësinë në vend dhe shtoi se pacientët do të marrin shërbime të sigurta përmes teknologjisë më të avancuar në fushën e radiologjisë.

-Advertisement-

“Dua ta shpreh kënaqësinë për Ambasadën e SHBA-së që për vite më radhë ka qenë aleat e mbështetës të rrugës sonë. Në kuadër të këtij bashkëpunimi edhe ditën e sotme duhet ta shënojmë si të veçantë për shëndetësinë”, tha Vitia, teksa tregoi edhe për specifikat e kësaj aparature.

“Do të ketë efekt në diagnostikimin emergjent në raste emergjente. Investimi kap shifrën e 499 mijë euro dhe ky donacion do të ndihmojë në diagnostikimin e pacientëve tanë. I rëndësishëm është edhe trajnimi i personelit tonë. Stafi ynë është i përgatitur për ta përdorur këtë pajisje”, u shpreh Vitia.

I pranishëm në këtë ceremoni ishte edhe ambasadori amerikan, Jeffrey Hovenier, i cili po ashtu ka treguar rëndësinë e këtij donacioni.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy