Lajme

Domethënia e lules së Srebrenicës

Autori: Gazeta inFokus 22:43 | 11 July 2019

Sot po shënohet 24-vjetori i masakrës së Srebrenicës, të cilën e kreu ushtria dhe policia serbe gjatë luftës në Bosnje e Hercegovinë. Aty u vranë mbi 8 mijë burra dhe djem mysliman me urdhrin e kriminelit Radovan Karaxhiq.

Masakra e kryer në vitin 1995 në Srebrenicë konsiderohet si më e madhja pas përfundimit të Luftës së Dytë Botërore, e çdo vit kur përkujtohen të vrarët, kemi vërejtur se shfaqet një lloj lule qoftë në varreza apo gjatë fjalimeve që mbahen, transmeton Telegrafi.

-Advertisement-

Por pak kush e dinë domethënien e kësaj lule me petale të bardha. Më poshtë do t’ju sjellim në detaje se për çfarë bëhet fjalë.

Kjo lule është simbol i kujtesës së masakrës së Srebrenicës, kurse 11 petalet e saj paraqesin ditën kur kishte filluar masakra mbi civilët, e ngjyra e bardhë e tyre ka domethënien e pafajësisë së viktimave.

Sa i përket ngjyrës së gjelbër në mes – ajo nënkupton shpresën për drejtësi dhe atë sesi kërkohet që të njihet në botë gjenocidi i kryer mbi civilët.

Kujtojmë se në vitin 1995, për vetëm pesë ditë janë vrarë mbi 8 mijë burra dhe djem nga forcat serbe dhe janë varrosur në varreza masive.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera

Fokusi

lajme