DokuFest me mbi 260 filma
Autori: Gazeta inFokus 15:04 | 27 July 2018
Edicioni i 17-të i festivalit të filmit që mbahet parvjetshëm në Prizren “ DokuFest”, këtë vit do të mbahet në datat 3-11 gusht.
Drejtoresha e këtij festivali, Nita Deda, në konferencën e pare për media të këtij edicioni, ka shpalosur informacione rreth programit të festivalit që këtë vit trajton si tematikë “Reflektimin”.
“Festivali do të mbahet nga data 3 deri në datën 11 gusht. E kemi një program masiv prej 260 filmave, prej performancave të muzikës që sivjet janë në tri skena të ndryshme, ekspozita të fotografisë, paneleve dhe masterklasave si dhe një numri të madh të njerëzve nga industria e filmit që do të jenë pjesë e festivalit, po ashtu presim një fluks të madh të turistëve në Prizren”, ka thënë Deda.
Deda ka treguar po ashtu që performancat muzikore të DokuFest-it do të mbahen në tri skena në Prizren: në Marash, Kalanë e Prizrenit dhe në skenën e Lumbardhit.
Ndërsa drejtori artistik i DokuFest-it, Veton Nurkollari, ndër të tjerash ka treguar se në këtë edicion do të marrin pjesë 87 regjisore gra, të cilave tha se janë munduar t’i japin më shumë hapësirë duke marrë parasysh edhe rastet që janë shfaqur në fushatat senzibilizuese kundër abuzimit ndaj grave si ajo “MeToo” dhe” Speak Up”.
Ai po ashtu ka treguar që temën e festivalit do ta shënojnë me shfaqjen e filmit Mirror (Pasqyra).
“Do ta shfaqim filmin e regjisorit rus Andrei Tarkovsky, “Mirror”, në një formë ta shënojmë edhe temën e festivalit, po do të shfaqim edhe shumë e shumë filma tjerë. Sikur tha Nita, jemi në pritje të një numri të madh të njerëzve nga industria e filmit, një numër i konsiderueshëm i regjisorëve kanë konfirmu pjesëmarrjen në festival”, ka thënë Nurkollari.
Ndërsa, Samir Karahoda, programer i filmave nacionalë dhe të shkurtër, tha se do të ketë më shumë pjesëmarrje të artistëve shqiptarë dhe do të rritet numri i aktiviteteve për fëmijë.
“Ajo çka e karakterizon këtë vit për dallim prej viteve të kaluara, është që, në katër konkurrenca që i kemi, katër gara, do të kemi filma shqip, pra në kategorinë që Vetoni ka punu dokumentarët ndërkombëtarë do të kemi filma shqip, po që ajo rrallëherë ndodhë, pasi që është konkurrencë mjaft e madhe”, ka thënë Karahoda.
Kurse drejtori ekzekutiv i këtij festivali, Eroll Bilibani ka folur rreth paneleve, debateve dhe punëtorive që do të mbahen në kuadër të DokuFest-it dhe ka thënë se debatet kryesisht do të jenë për zhvillimin e industrisë së filmit dhe sektorit të kulturës.
“Është një projekt i cili ka filluar në mars të këtij viti, ku ne përmes disa pyetësorëve kemi mbledhur materialet e nevojave dhe kërkesave dhe të interesave të organizatave të ndryshme kulturore, të artistëve të pavarur, po ashtu edhe sektorit të mediave, të bizneseve që punojnë në industrinë kreative, dhe për këtë qëllim do t’i organizojmë tre debate të ndryshme të cilat në fakt do t’i adresojnë të gjitha ato kërkesa, të gjitha ato nevoja të sektorit kulturor të Kosovës ”, ka thënë Bilibani.
DokuFest është festival i parvjetshëm ndërkombëtarë i filmit në Kosovë, dhe çdo vit trajton tema të reja varësisht prej aktualitetit dhe nevojës së shoqërive.
Të tjera
-
Krasniqi i përgjigjet Haradinajt: Nuk jemi fëmijë me na mashtru Albini
Kryetari i Partisë Demokratike, Memli Krasniqi, i është përgjigjur kryetarit ...
-
Krasniqi: Mënyra e shkuarjes në zgjedhje të reja nuk ndikon në rezultatin zgjedhor
Sipas kryetarit të PDK-së, Memli Krasniqi, mënyra e shkuarjes në zgjedhje të ...
-
Hovenier: Po kërkojmë nga Kosova veç ta dërgojë në Kushtetuese draftin për Asociacionin – do ta respektojmë vendimin
Ambasadori i ShBA-së në Kosovë, Jeffrey Hovenier, ka folur për çështjen e anë...
-
Kuvendi nesër me tjetër seancë me vetëm një pikë të rendit të ditës
Kuvendi i Kosovës nesër do të mbajë seancën e radhës plenare duke filluar nga...
-
Tërmet në Turqi
Turqia është goditur sot nga një tërmet. Raportohet se fuqia e dridhjes is...
-
Tahiri i PDK-së: Vetëm ushqimi e dallonte darkën me Kurtin dhe punën që zakonisht e bëjmë në Kuvend
Dy orë do të zgjaste takimi mes dy kundërshtarëve politikë, Albin Kurtit e Me...
-
Osmani për rezolutën e Srebrenicës: Mohimi i gjeno*idit nuk do ta hapë kurrë rrugën drejt paqes
Presidentja e Kosovës Vjosa Osmani, ka reaguar ndaj rezolutës së OKB-së që e ...
-
Katër të dyshuar mashtruan një person, ia morën 90 mijë euro
Policia ka bastisur dy lokacione, një në Prishtinë dhe një në Gjakovë, pasi d...
-
Vuçiqit iu kërkua ta heqë flamurin serb pasi u mbështoll me të, refuzoi: Askush s’ma merr atë
Gjatë dhe pas votimit të rezolutës për Srebrenicën, presidenti i Serbisë, Ale...
-
LDK: Votimi i rezolutës për gjeno*idin në Srebrenicë në OKB, është vulë për k*imet e Serbisë
Lidhja Demokratike e Kosovës, ka reaguar ndaj miratimit të rezolutës për Sreb...
-
Vuçiqi bën filma pasi kaloi rezoluta mbi gjenocidin në Srebrenicë, mbështillet me flamurin serb
Presidenti i Serbisë, Aleksander Vucic, sot është munduar që të ofrojë argume...
-
Njihuni me 12 vjeçarin nga Suhareka, i cili kujdeset çdo ditë për dhitë e tij- “Kam shumë qef me i ndihmu familjes”
Në fshatin Duhël të Komunës së Suharekës, jeton 12 vjecari Bislim Graishta, i...