Lajme

Dogana parandalon kontrabandën e mbi 2 mijë litrave të alkoolit etilik që vinte nga Serbia

Autori: Gazeta inFokus 09:57 | 30 June 2022

Dogana e Kosovës në bashkëpunim me Policinë e Kosovës kanë parandaluar kontrabandimin e 2 mijë e 400 litrave të alkoolit etilik, shkruan Gazeta Infokus.

Pas ndalimit dhe kontrollit të automjetit është hasur në mallra të kontrabanduar me origjinë nga Serbia, respektivisht alkool etilik 96% në sasi prej 2 mijë e 400 litra.

Vlera e mallit vlerësohet të jetë 4 mijë e 300 Euro, kurse taksat doganore janë në vlerë prej 14 mijë 300 Euro.

Dogana ka njoftuar se mallrat dhe automjeti janë konfiskuar, ndërkaq prokuroria ka nisur procedurat hetimore.

“Dogana e Kosovës në bashkëpunim me autoritetet kompetente do të vazhdojë të ushtroj kontrolla në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës. Dogana e Kosovës fton qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095”, thuhet në njoftimin e Doganës./Gazeta Infokus/

Të tjera

Fokusi

lajme