Lajme

Dogana parandalon dy raste të kontrabandës në Merdar – kap armë e pajisje ushtarake në dy autobusë nga Austria dhe Italia

Autori: Gazeta inFokus 11:00 | 25 December 2023

Dogana e Kosovës gjatë javës së kaluar ka zbuluar dy raste të tentimit të kontrabandës së armëve dhe pajisjeve tjera ushtarake, në Merdar, pikë kalimin kufitar me Serbinë.

“Zyrtarët kanë arritur të zbulojnë rastet falë shënjestrimit profesional të hapësirave të autobusëve që kanë ardhur njëri nga Austria dhe tjetri nga Italia. Në të dyja rastet zyrtarët kanë aplikuar kontrollat me skaner ku edhe janë identifikuar armët në mënyrë profesionale”, thuhet në njoftimin e Doganës.

Pas zbulimit, konform kompetencës ligjore, rastet i janë kaluar Policisë Kufitare për procedim penal ndaj personave përgjegjës.Festa e Krishtlindjes – ambasadori Hovenier së bashku me vajzat e presidentes Osmani këndojnë “Jingle Bells”
“Tani që frekuentimi i vendkalimeve kufitare është shumë i lartë, zyrtarët doganor janë vënë në shërbim të qytetarëve tanë nga diaspora dhe njëherit janë të përkushtuar të zbatojnë kontrolla të shënjestruara, për të parandaluar keqpërdorimet e ngarkesës në vendkalime nga persona të prirë në kriminalitet”, thuhet tutje në njoftim.

-Advertisement-

Dogana e Kosovës ka theksuar se ky është balanci që synon të mirëmbajë gjatë zbatimit të misionit të saj- kalim të lehtësuar por të sigurt të kufirit shtetërorë.