Lajme

Dogana konfiskon mbi 50 aparate ilegale për lojëra fati

Autori: Gazeta inFokus 10:11 | 01 August 2018

Në kuadër të parandalimit të veprimtarive ilegale, njësit e doganës gjatë javës së fundit kanë organizuar një aksion të gjerë në dy qytete respektivisht në Vushtrri dhe Mitrovicë.

Gjatë këtij aksioni duke u bazuar në informata e siguruara përmes rrugëve operative janë identifikuar dhe targetuar mbi 20 lokacione të dyshuara për aktivitete me lojëra fati ilegale.

Njësit e doganës kanë ushtruara kontrolle në të gjitha lokacionet duke përshtatur edhe kohën e kontrolleve me oraret e punës pasi një pjesë e tyre i mbajnë mbyllur lokalet gjatë ditës.

-Advertisement-

Si rrjedhojë e kontrolleve janë kapur një sasi e konsiderueshme e aparateve për lojëra fati si dhe lojëra tjera të ndaluara si Keno dhe Racing Dogs, rezultate si në vijim:

– Kontrolle të ushtruara 20
– Të gjetura lojëra ilegale në 9 lokacione
– Aparate të konfiskuara 50
– Lojëra të ndaluara të konfiskuara 25
– Lokale të mbyllura 2

Dogana do të vazhdoje edhe me aktivitete tjera në kuadër të zbatimit të ligjit por edhe kërkojmë ndihmën e qytetarëve që të ndihmojnë në identifikimin e lokacioneve.

Subscribe në YouTube: GAZETA INFOKUSI