Lajme

Dogana e Kosovës konfiskon lojëra të fatit me vlerë 6.000 €

Autori: Gazeta inFokus 15:42 | 03 Gusht 2017

Dogana e Kosovës në bashkëpunim me policinë e Kosovës në një operacion të zhvilluar në Prizren ka konfiskuar lojëra të fatit dhe pajisje të tjera përcjellëse në vlerë rreth 6.000€.

Në mesin e pasjeve të konfiskuara janë 3 a Aparate për lojëra fati të llojit Kajot, 3 televizorë, monitor, printer etj, transmeton infokusi.com

Më poshtë mund të gjeni komunikatën e plotë të Doganës së Kosovës

-Advertisement-

“ Oficerët doganor duke vepruar sipas detyrës zyrtare kanë bastisur një lokal në regjionin e Prizrenit që operonte me lojëra fati illegal, ku kanë konfiskuar pajisje me vlerë rreth 6000 euro.

Gjatë patrullimeve rutinore të njësisë anti-kontrabandë kanë vërejtur një lokal të dyshimtë me derë të hapur dhe me pajisje për lojëra të fatit ilegale. Pasi pronari I lokalit ka parë automjetin e doganës është futur brenda dhe ka mbyllur derën nga brenda.

Përkundër thirrjeve që të hap derën personi nuk ka vepruar ashtu. Njësit e doganës në bashkëpunim me policinë dhe pas kontakteve me prokurorin kanë marr urdhër për të hapur derën me forcë. Pas hyrjes në lokalin e lartcekur janë gjetur dhe konfiskuar pajisje të lojërave të fatit të pa-licencuara si më poshtë:

– Aparate për lojëra fati të llojit Kajot 3 copë

– Televizion 3 copë

– Lucky SIX-ELBET, lojëra fati 1 copë

– DVR 1 copë

– Monitor 2 copë

– Printer 1 copë

Të gjitha këto pajisje konfiskohen nga Dogana e Kosovës. Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë./INFOKUSI