Lajme

“Do të votoja për bashkim me Shqipërinë”, Valon Murati i reagon Albin Kurtit

Autori: Islam Morina 18:14 | 20 November 2021

Kryetari i Lëvizjes për Bashkim, Valon Murati, nuk ka qëndruar i heshtur lidhur me deklaratën e kryeministrit të Kosovës Albin Kurti, se do të votoja për bashkim me Shqipërinë po që se referendumi do të ishte i qetë e demokratik.

Murati ka thwnw se kryeministri Kurti fillimisht duhet të trgoi se si bëhet bashkimi, e jo si do të votonte ai në një referendum të tillë, shkruan Gazeta Infokus.

Ai po ashtu e ka rikujtuar Kurtin se bashkimin me Shqipëri e ndalon Kushtetuta e Kosovës dhe se për ndryshimin e saj duhen dy të tretat e votave të pakicës, që nënkupton së paku 4 deputetë nga Lista Serbe.

-Advertisement-

Postimi i plotë:

Kryeministri Kurti duhet të tregojë sesi bëhet bashkimi, e jo si do të votonte ai në një referendum të mundshëm!

Kryeministri Kurti për të satën herë prej që është bërë kryeministër deklaron se në rast të një referendumi ai do të votonte për bashkim me Shqipërinë. Në të vërtetë kryeministri do të duhej të na tregonte se çfarë hapash do të ndërmarrë ai për të mundësuar organizimin e një referendumi të tillë. Po ia rikujtoj kryeministrit se bashkimi është i ndaluar me Kushtetutën e Kosovës; se ndryshimi i kushtetutës është i kushtëzuar me votën e 2/3 të deputetëve të pakicave (përkatësisht së paku nja katër deputetë të Listës Serbe do të duhej të votonin për ndryshim); si dhe se referendumi për ndryshimin e kushtetutës po ashtu nuk lejohet me këtë kushtetutë. Bashkimi nuk është çështje vullneti por ndalesash e pengesash, si dhe i varur nga konteksti rajonal e ai ndërkombëtar. Kryeministri Kurti duhet të nga tregojë se si do t’i eliminojë këto pengesa e ndalesa e jo të fshihet pas një votimi hipotetik, për të cilin personalisht nuk dyshoj në rezultatin e tij të bindshëm në favor të bashkimit.

Subscribe në YouTube: GAZETA INFOKUSI

Të tjera

Fokusi

lajme