Rozë

Do të mbyllen të gjitha llogaritë e rrejshme të Big Brother Vip Kosova

Autori: Gazeta inFokus 19:57 | 15 September 2022

Kanë mbetur edhe pak ditë para se të nisë transmetimi i Big Brother VIP Kosova.

Kjo ngjarje ka marrë vëmendje të madhe dhe është duke u pritur me padurim nga shumë shikues.

Pavarësisht asaj se Big Brother VIP Kosova, së bashku me televizionin Klan Kosova dhe portalin klankosova.tv, i ka hapur faqet e veta zyrtare në rrjetet sociale, ka shumë llogari të rrejshme, të cilat janë hapur nga persona të paautorizuar.

-Advertisement-

Për të mësuar më shumë rreth kësaj çështjeje, klankosova.tv e ka intervistuar ekspertin e rrjeteve sociale, Valon Kerollin, i cili udhëheq me rrjetet sociale të Big Brother VIP Kosova.

“Big Brother VIP Kosova është një projekt ndërkombëtar dhe mjaft i kushtueshëm, prandaj produksioni do të jetë i pakompromis ndaj llogarive të rrejshme dhe të paautorizuara që do të tentohet të hapen në rrjetet sociale”.

“Vetëm gjatë javës së fundit janë mbyllur rreth 100 llogari/faqe në Facebook, Instagram, TikTok dhe Youtube”.

Ai tregon se për menaxhimin dhe mbrojtjen e të drejtave autoriale janë të angazhuar dhjetëra persona vetëm në Kosovë si dhe ekipi qendror i Big Brother në Londër.

“Është me rëndësi të theksohet se edhe llogaritë e tjera të rrejshme që pritet të hapen në të ardhmen, të gjitha ato do të mbyllen”.

“Po ashtu çdo video e shkëputur apo transmetim i paautorizuar i pamjeve të Big Brother VIP Kosova do të fshihet në kohë reale”.

Kerolli shton se gjithçka nga shtëpia e Big Brother VIP Kosova do të publikohet në faqet zyrtare të Big Brother VIP Kosova, Klan Kosova dhe Artmotion.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera