Lajme

Djali i Sami Lushtakut i mbanë 45 mijë euro “nën jastëk”

Autori: Gazeta inFokus 12:01 | 12 June 2018

Deputeti i Kuvendit të Kosovës, Mërgim Lushtaku, djali i ish kryetarit të komunës së Skenderajt, Sami Lushtakut, duket se nuk u beson shumë institucioneve financiare në vend.

Ai sipas deklarimit të pasurisë në Agjencinë Kundër Korrupsionit i mbanë në shtëpi 45 mijë euro, apo siç ka shkruar në pronësi private, shkruan Gazeta Fokus.

Ndërkaq, bashkëshortja e tij ruajtjen e parave ia ka besuar bankave. Ajo ka të deponuara në Pro Credit Bankë 12 mijë euro.

-Advertisement-

Këto para Lushtaku, përveç nga paga e deputetit deklaron se i ka fituar edhe nga bizneset që posedon, shkruan Gazeta Fokus.

Ai është pronarë në kompaninë “Vityt”sh.p.k, ndërsa është bashkëpronarë edhe në tri kompani tjera, “A.I.M”, “Ferma Jonë shpk”, dhe “Koni Projekt shpk”.

Vitin e kaluar Lushtaku, ka blerë një veturë Mercedes B180 në vlerë 18 mijë euro./Gazeta Fokus/