Lajme

Ditë të zeza për Burdushin, këto janë dënimet që ia shqiptoi Gjykata

Autori: Gazeta inFokus 15:36 | 08 November 2019

Gjykata Themelore e Prizrenit, Departamenti i Përgjithshëm Penal ka bërë shpalljen e aktgjykimit dënues ndaj  Burdushit nga Prizreni për shkak të veprës penale “mashtrim”.

 Në njoftim thuhet se Burdushin gjykata e ka shpallur fajtor dhe e ka dënuar me dënimin me burgim efektiv në kohëzgjatje prej 1 viti.

Përveq kësaj do Gjykata i ka shqiptuar  dënimin me gjobë në shumën prej 5.000 euro, si dhe dënimin plotësues ku i ndalohet ushtrimi i profesionit, veprimtarisë së pavarur dhe i detyrës së caktuar në kohëzgjatje prej 3 vjetësh, duke u llogaritur nga dita kur aktgjykimi të merr formën e prerë.

“Nga data 20.06.2014 deri më 12.08.2014 në Prizren, duke i fshehur faktet dhe me qëllim të përfitimit të kundërligjshëm të dobisë pasurore për vete apo personin tjetër ose për t’i shkaktuar dëm material personit tjetër, e mashtron apo vazhdon lajthimin e personit tjetër dhe më këtë e nxit të dëmtuarin me iniciale Q.P., si mjek popullor, merren vesh në mes vete që i pandehuri me iniciale H.P. t’ia shëroj gruan e tij që vuante nga depresioni, në kompensim të një vlere prej 2.200 euro, por që pas kalimit të një kohe gruaja nuk ishte shëruar dhe si rrjedhojë të dëmtuarin e vendos në lajthitje dhe mashtrim, duke i shkaktuar dëm material”, thuhet në njoftimin për media.

 

Të tjera