Sport

“Ditë e zezë” edhe për Realin, ish sulmuesi i Milanit i shënon dy gola

Autori: Gazeta inFokus 07:16 | 27 September 2018

Mbrëmja e sotme rezultoi “e zezë” për skuadrat e mëdha spanjolle, sepse pas Barcelonës, e cila u mposht nga Leganes me përmbysje, ishte radha e Realit të Madridit që të kapitullojë.

Skuadra e drejtuar nga Julen Lopetegui u mposht me rezultatin e thellë dhe të pastër 3-0 nga Sevilla, në një sfidë ku gjithçka u vendos në 45 minutat e para.

Ish sulmuesi i Milanit, portugezi Andre Silva ishte ai që shënoi dy golat e parë për andaluzianët, ndërsa Ben Yader vulosi rezultatin 3-0, kur kronometri shënonte minutën e 39′.

-Advertisement-

Në pjesën e dytë Reali u përpoq të rihapë takimin, por pa sukses, teksa edhe njëherë që shënoi me anë të Modriç, pa që goli t’i anulohej pas ndërhyrjes së VAR-it, për një pozicion milimetrik jashtë loje.

Gjithsesi, pavarësisht humbjeve të sotme, Barcelona dhe Reali i Madridit vijojnë të qëndrojnë në krye të renditjes së kampionatit spanjoll me nga 13 pikë në 6 javët e para.

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Të tjera