Dita e të Mbijetuarve të Dhunës Seksuale, Konjufca: Edhe sot përdhunuesit e vrasësit ecin lirë nëpër Serbi
Autori: Gazeta inFokus 13:41 | 14 April 2023
Kryetari i Kuvendit, Glauk Konjufca, në Ditën Memoriale të të Mbijetuarve të Dhunës Seksuale gjatë luftës së fundit në Kosovë, ka thënë Serbia ka përdorur dhunën seksuale si armë lufte dhe instrument të spastrimit etnik.
Ai tha se kryesit e këtyre krimeve vazhdojnë të ecin të lirë nëpër Serbi, derisa u zotua se për krimin e gjenocidin e kryer në Kosovë, do ta mbajnë gjithmonë përgjegjëse Serbinë.
“Dhuna seksuale ishte pjesë e strategjisë së luftës së Serbisë për t’i shkaktuar frikë, terror dhe madje edhe gjenocid popullatës shqiptare në Kosovë. Ky krim përbën një ndër krimet më të rënda të luftës. Por edhe sot, 24 vjet pas luftës, përdhunues dhe vrasës ecin lirshëm nëpër Serbi. Këto krime të egra nuk parashkruhen, nuk falen, as nuk harrohen. Herët a vonë kriminelët do të përballën me drejtësinë”, ka shkruar sot Konjufca.
Institucionet e vendit kanë caktuar 14 prillin si ditë për të mbijetuarit e dhunës seksuale gjatë luftës. Prandaj, sot krerë institucionalë, aktivistë e qytetarë bënë nderime te Memoriali i Heroinave në kryeqytet.
Postimi i plotë:
14 Prilli – Dita Memoriale e të Mbijetuarve të Dhunës Seksuale gjatë luftës së fundit në Kosovë – shënon një ditë të rëndësishme reflektimi mbi dhimbjet dhe vuajtjet e viktimave të krimeve të luftës dhe krimeve kundër njerëzimit, të kryera nga formacionet ushtarake dhe policore serbe.
Përveç vrasjes dhe masakrimit të popullatës së pafajshme, gjatë viteve 1998-1999, regjimi gjenocidal i Serbisë përdori në Kosovë dhunën seksuale si armë lufte dhe instrument të spastrimit etnik. Mijëra gra e vajza, burra e djem qenë viktima të përdhunimit.
Dhuna seksuale ishte pjesë e strategjisë së luftës së Serbisë për t’i shkaktuar frikë, terror dhe madje edhe gjenocid popullatës shqiptare në Kosovë. Ky krim përbën një ndër krimet më të rënda të luftës. Por edhe sot, 24 vjet pas luftës, përdhunues dhe vrasës ecin lirshëm nëpër Serbi.
Këto krime të egra nuk parashkruhen, nuk falen, as nuk harrohen. Herët a vonë kriminelët do të përballën me drejtësinë.
Le të bashkohemi, jo vetëm një ditë, rreth qëllimit të përbashkët për solidarizim me të mbijetuarit e dhunës seksuale gjatë luftës dhe të bëhemi zë i fuqishëm kundër stigmës dhe padrejtësive ndaj tyre.
Për të gjitha krimet dhe gjenocidin në Kosovë, do ta mbajmë gjithmonë përgjegjëse Serbinë!
Të tjera
-
Punëtorët e arsimit në Viti nesër protestojnë para Qeverisë
Punëtorët e arsimit nga komuna e Vitisë nesër nga ora 11:00 pritet të protest...
-
Kurti: Diaspora është bosht i rëndësishëm i lidhjeve tona me Poloninë
Kryeministri Albin Kurti ka zhvilluar të mërkurën një bashkëbisedim me diaspo...
-
Vokrri: Është kërkesë e BE-së që kërcënimẹt nga Serbia t’i trajtojmë me seriozitet
Zëvendësministri i pushtetit lokal Arbër Vokrri ka mohuar zërat se qeveria e ...
-
Avokati i Popullit po shqyrton çështjen e largimit të 18-vjeçares nga shkolla, Drejtoria Komunale e Arsimit ende pa vendim
Edhe pas takimit me ministren e Arsimit, Arbërie Nagacit, drejtori i arsimit ...
-
Kryetari Sokol Haliti paralajmëron grevë në arsimin e Vitisë nëse edhe dy ditë nuk dalin pagat
Punëtorët e arsimit në Viti ende nuk i kanë marrë pagat. Madje ky sektor n...
-
Rohde: Gjermania mbetet partner i besueshëm i Kosovës
Gjermania sot shënon 34-vjetorin e bashkimit. Më 3 tetor 1990, Gjermania zyrt...
-
Hyseni: Pothuajse asnjë mjekë nuk po mbetet pa punë
Qendrës Kryesore të Mjekësisë Familjare i janë shtuar mjekë, stomatologë e st...
-
34 vjet nga bashkimi i Gjermanisë
Gjermania sot shënon 34 vjetorin e bashkimit. Më 3 tetor të vitit 1990, Gjerm...
-
FShSK mban konferencë për media lidhur me pakënaqësitë e punëtorëve shëndetësorë
Federata Sindikale e Shëndetësisë do të mbajë sot një konferencë për media. ...
-
SHBA, kusht për mbështetjen ndaj Izraelit! Biden: Jo sulme ndaj objekteve bërthamore të Iranit
Presidenti i Shteteve të Bashkuara Joe Biden tha të mërkurën se ai nuk do të ...
-
Dyshime për sasi të lartë të manganit në Badoc, IKSHPK-ja merr mostrat për testim – Rezultatet dalin sot
Instituti Kombëtar për Shëndetësi Publike (IKSHPK) është duke e testuar ujin ...
-
Lufta i kushton Izraelit 100 miliardë dollarë, ekonomistët: Janë hapur disa fronte, kosto shumë e lartë
Lufta kushton. Shumë madje. Jo vetëm nga pikëpamja njerëzore. Konflikti në...