Rozë

Disa javë para konkursit të bukurisë për “Miss Mexico 2021”, modelja e njohur gjindet pa shenja jete

Autori: Gazeta inFokus 17:53 | 07 January 2021

Një modele që ishte në garë për konkursin e ardhshëm të bukurisë për “Miss Mexico 2021”, është gjetur e vdekur në shtëpinë e saj.

Rrethanat e sakta të vdekjes së 21-vjeçares, Ximena Hita, mbeten një mister edhe pse policia ka frikë se ajo mund t’i ketë marrë jetën vetëm disa javë para konkursit.

Zëdhënësi i policisë, Mario Garcia, tha se gjetjet fillestare sugjeruan se Ximena mund të ketë marrë jetën e saj.

-Advertisement-

Por, ai shtoi se hetimet e mëtejshme duhet të kryhen para se të konfirmohet diçka.

Zyra e Prokurorit të Përgjithshëm ka thënë se ekipet e forenzikës po punojnë për të përcaktuar nëse ishte e përfshirë ndonjë ‘lojë’ në vdekjen e saj, raporton Infobae.com.

Përveç modelimit, 21vjeçarja gjithashtu punoi si ndihmëse medicinale dhe po studionte për t’u bërë infermiere në qytetin e Aguascalientes, në shtetin me të njëjtin emër.

Ximena fitoi “Miss Aguascalientes” në 2019 dhe ishte një nga kandidatët për “Miss Mexico 2021” që do të zhvillohej më 13 mars.