Rozë

Disa ditë më parë prezantoi të dashurin e ri, a mori sërish fund romanca e Fjollës?

Autori: Gazeta inFokus 10:13 | 27 October 2022

Fjolla Morina vazhdon të tërheq vëmendje në rrjetet sociale. Këngëtarja disa ditë më parë u kthye në kryefjalë të mediave rozë, pasi publikoi disa foto romantike, duke lënë të kuptohet se është në një romancë të re.

Mirëpo së fundmi, një status i saj në Instagram ka trazuar sërish ujëra.

“Mirë ka thënë Isak Njuton ‘sa më shumë që e shtrëngon, aq më shumë kërcet… Më burra se gratë s’ka”,”-shkroi Fjolla në Instagram.

-Advertisement-

Teksa u shpreh se është pafund e lumtur me të dashurin e ri, ky postim i Morinës ka ngjallur dyshime për një prishje të marrëdhënies së saj me partnerin e ri.

Ndonëse në mënyrë të përgjithësuar, Fjolla ka thumbuar të gjithë meshkujt, duke nënkuptuar se sot s’ka burra të vërtetë.

Kujtojmë që kjo romancë e Fjollës erdhi pas ndarjes së saj të bujshme me Fisnik Sylën.

Më herët Fjolla u shpreh se martesa me biznesmenin ishte gabimi i saj më i madh në jetë, ndërsa Syla nga ana tjetër ka treguar se ajo e ka përdorur vetëm për interes.

Disa ditë më parë, Fisniku ish-bashkëshorti i Fjollës postoi një video në TikTok ku dukej në një klub nate, nën shoqërinë e disa vajzave. Interesant ishte përshkrimi që i kishte bërë videos në fjalë: “E bukur është si ruse.”

Menjëherë pas kësaj biznesmeni konfirmoi lidhjen e re duke u shprehur: “Është një vajzë e showbiz-it, por që identiteti i saj preferoj të mbetet sekret edhe për pak kohë.”