Ish-kongresmei amerikan, presidenti i Ligës Qytetare Shqiptaro-Amerikane, Joe Dioguardi ka bërë të ditur se mbështet Kamala Harris për presidente të Shteteve të Bashkuara të Amerikës.

Dioguard në një komunikatë për media thekson se një nga kapitujt më krenarë të shërbimit të tij publik ishte puna e ngushtë me Presidentin Joe Biden në fund të viteve 1990 dhe 2000 për të sjellë drejtësi, paqe dhe pavarësi në Kosovë.

“Si ish-kongresmen i SHBA dhe President i Ligës Qytetare Shqiptaro-Amerikane (AACL) që nga viti 1989, kam përkushtuar karrierën time për të avancuar lirinë, demokracinë dhe të drejtat e njeriut në mbarë botën. Një nga kapitujt më krenarë të shërbimit tim publik ishte puna e ngushtë me Presidentin Joe Biden në fund të viteve 1990 dhe 2000 për të sjellë drejtësi, paqe dhe pavarësi në Kosovë. Së bashku, ne u ngritëm kundër tiranisë dhe gjenocidit, duke riafirmuar udhëheqësin morale të Amerikës në skenën botërore”, thuhet në njoftim.

-Advertisement-

Diogardi në njoftim ka theksuar se sot ‘demokracia jonë përballet me sfida të papara, jam krenar të mbështes Kamala Harris për Presidente të Shteteve të Bashkuara. Angazhimi i saj i palëkundur për drejtësi, barazi dhe sundimin e ligjit përfaqëson vlerat që gjithmonë kanë përcaktuar Amerikën si një fanar shprese për botën. Besoj se ajo është unikisht e përgatitur për të mbrojtur këto vlera, për të bashkuar kombin tonë dhe për të rikthyer pozitën e Amerikës si avokate kryesore e demokracisë në nivel global.

“Kamala Harris e kupton se fuqia e Amerikës nuk qëndron vetëm në fuqinë tonë ushtarake dhe ekonomike, por në përkushtimin tonë të palëkundur ndaj parimeve të lirisë dhe dinjitetit njerëzor. Në një kohë kur autoritarizmi po rritet globalisht, kemi nevojë për një udhëheqës me guxim, bindje dhe vizion për të mbrojtur këto parime si në vend ashtu edhe jashtë tij. Përvoja e saj, integriteti dhe lufta e saj e gjatë për drejtësi e bëjnë atë udhëheqësen e duhur për të drejtuar Amerikën përpara”, theksohet në njoftim.

Diogardi i ka bërë thirrje të gjithë amerikanëve e shqiptaro-amerikaneve, veçanërisht atyre që ndajnë angazhimin tim për të drejtat e njeriut dhe demokracinë, të qëndrojnë me Kamala Harris ndërsa punojmë për të siguruar një të ardhme më të ndritur dhe më të drejtë për të gjithë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-