Sport

Dikur konsiderohej talent i madh, ish-i i Manchester United drejt Arabisë Saudite

Autori: Gazeta inFokus 14:41 | 29 August 2023

Futbollisti me origjinë shqiptare, Adnan Januzaj, është pranë transferimit në Arabinë Saudite. Për ish-lojtarin e Manchester United ka shfaqur interes klubi i Al-Tai.
28-vjeçari, i cili aktualisht aktivizohet te Sevilla në La Liga, mund të jetë futbollisti i radhës që lë Europën për t’iu bashkuar Arabisë Saudite. Al-Tai është pjesë e Saudi Pro League, nivelit më të lartë të futbollist saudit dhe aktualisht renditet në vendin e 12-të, ndërsa sezonin e kaluar e mbylli në vendin e 9-të.

Adanan Januzaj e nisi karrierën si profesionist te Manchester United. Lojtari i lindur në Bruksel konsiderohej një talent i madh i futbollit, por me kalimin e kohës forma e tij erdhi drejt rënies.

Pas katër sezonesh në “Old Trafford” erdhi transferimi te Real Sociedadi, skuadër me të cilën fitoi “Copa del Rey” në vitin 2020. Në shkurtin e vitit 2022 kaloi te Sevilla, por pa mundur ta gjejë veten. 28-vjeçari ka bërë dhe 15 paraqitje me kombëtaren belge dhe ka shënuar një gol, atë kundër Anglisë në “Rusi 2018”.

-Advertisement-

Subscribe në YouTube: GAZETA INFOKUSI