Shëndetësi

Dielli ka ‘fuqi’ speciale

Autori: Gazeta inFokus 12:50 | 15 May 2017

E keni pyetur ndonjëherë veten pse gjatë ditëve të bukura ndjeheni më të gëzuar, të relaksuar dhe më të buzëqeshur se zakonisht? E gjitha është meritë e diellit!

Kur ekspozohemi ndaj dritës dhe ngrohtësisë së rrezeve të tij, humori ynë bëhet menjëherë pozitiv. Kjo sepse dielli ka ‘fuqi’ speciale: është i mirë për humorin dhe shëndetin, na bën të bukur me një kolorit për të pasur zili dhe ka efekte përfituese për shëndetin psikofizik.

Larg stresin
Dielli ka fuqinë të rikthejë humorin dhe të largojë stresin. Kur ekspozohemi ndaj dritës dhe ngrohtësisë së rrezeve, kemi tendencën të relaksojmë muskujt dhe të heqim tensionin e mbledhur në trupin tonë. Por jo vetëm: dielli është gjithashtu dhe një terapi e mirë natyrale kundër fazave të para të depresionit. Studimet e fundit e psikoneuroimunologjisë për rrezet e diellit, sidomos ato të mëngjesit, është në gjendje të stimulojë mekanizmat biologjikë që ndikojnë në humorin tonë.

-Advertisement-

Më shumë buzëqeshje
Audrey Hepburn thoshte se “buzëqeshja është aksesori më i bukur që një femër mund të mbajë”. Për ta blerë, shtojnë studiuesit, mjafton të qëndrosh pak orë në diell. Si? Duke mbrojtur lëkurën me një krem diellor, sigurisht, dhe duke lënë veten të përkëdheleni nga ngrohtësia e rrezeve. Dielli në fakt prodhon Serotoninën, hormonin e humorit, dhe melatoninë, që ndihmon në betejën ndaj humorit të keq dhe na lehtësojnë të pushojmë më mirë në orët e natës, pasi rregullon ciklin gjumë-zgjuar.

Kujdes me lëkurën
Dielli na bën të lumtur, të bukur e mbi të gjitha na jep atë ngjyrën e bukur të verës. Por kujdes, mos e ekzagjeroni. Mos harroni lëkurën, që duhet ta mbrojmë vazhdimisht. Madje për të na dhënë  ‘rekomandimet’ e duhura ka menduar edhe vetë Komisioni Europian, i cili ka hartuar një dokument ku shkruan qartësisht se: “një mbrojtje me faktor mes 15-25, dhe e aplikuar në mënyrë korrekte është e mjaftueshme për mbrojtjen e pjesës më të madhe të personave”. Përgatisni atëherë çantën dhe kapelen: dielli po ju pret!.

Subscribe në YouTube: GAZETA INFOKUSI

Të tjera

Fokusi

shendetesi