Lajme

“Die Welt” shkruan për pasurimin e Erdoganit në Kosovë

Autori: Gazeta inFokus 18:46 | 22 August 2017

Në një artikull të publikuar sot nga gazeta gjermane “Die Welt”, deputeti gjerman, Roderich Kiesewetter, bën thirrje që të vendosen sanksione ndaj familjes së Recep Tayyip Erdoganit.

Kiesewetter ka thënë se “duhet të vendosen sanksione të drejtpërdrejta kundër familjes së Erdogan”.

“Për shembull, unë e shoh që është liruar shumë fuqia e jashtme e fisit të Erdoganit”, ka thënë anëtari i partisë gjermane CDU.

-Advertisement-

Kiesewetter, i cili është ekspert i politikës së jashtme, ka thënë se BE-ja vendosi sanksione ndaj oligarkëve rusë, por nuk po bën asgjë për të ndaluar pushtetin e familjes së Preisdentit të Turqisë, shkruan ‘Die Welt’, transmeton Insajderi.

E përpos deklaratave të deputetit gjerman, ‘Die Welt’ e thekson në artikull se familja e Erdogan është pasuruar shumë në Ballkan. Sidomos në Kosovë.

“Familja e Presidentit Rexhep Tajip Erdogan është pasuruar shumë në Ballkan, ndër të tjera në furnizimin me energji elektrike të Kosovës”, shkruan ‘Die Welt’ në artikullin e publikuar sot.

Erdogan, javën e kaluar u bëri thirrje turqve që jetojnë në Gjermani që të mos e votojnë kancelaren gjermane Angela Merkel në zgjedhjet parlamentare që pritet të mbahen muaji e ardhshëm.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme