Dialogu social – tregues i demokracisë
Autori: Gazeta inFokus 09:55 | 01 September 2022
Njëri prej Kritereve të Kopenhagës për anëtarësim në BE kërkon “stabilitetin e institucioneve për të garantuar demokraci, sundim të ligjit, të drejta të njeriut dhe respektim të të drejtave të minoriteteve.”
Shkruan: Agron HOTI
Mediat, shoqëria civile, sindikatat, analistë e opinionistë të ndryshëm përbëjnë mozaikun e pushtetit të katërt pas legjislativit, ekzekutivit dhe gjyqësorit. Ky mozaik i pushtetit të katërt analizon dhe vlerëson politikat shtetërore nga A-ZH dhe ofron qasje kritike ndaj zhvillimeve të gjithëmbarshme të vendit. Ishte pikërisht ky mozaik i pushtetit të katërt që formësonte qasje kritike ndaj të gjitha pushteteve, ndaj edhe qytetarët pak a shumë votonin konform kësaj qasjeje kritike.
Paria aktuale ka ardhur në pushtet kryesisht nëse jo ekskluzivisht nga qasja kritike e këtij mozaiku ndaj pushteteve të kaluara dhe kuptohet edhe nga gabimet e pushteteve të kaluara. Do të ishte absurde që ky mozaik të ishte sot krah pushtetit. Nuk do të jetë asnjëherë. Mund të ketë elementë që i shërbejnë pushtetit, por jo si mozaik i tërë. Po ndodhi të jetë, atëherë s’ka më demokraci.
Prandaj, t’u hapësh front mediave, shoqërisë civile, sindikatave, analistëve e opinionistëve të ndryshëm, humbjen e ke të sigurt qysh në start. Hapja front ndaj këtij mozaiku shënon prapakthim në procesin demokratik për të cilin kanë luftuar gjenerata të tëra. Kosova edhe pse si demokracia më e re është shquar në rajon për zgjedhje të lira dhe demokratike, për rotacione e tranzicione të qeta të ndërrimit të pushteteve, për liri fjale, shprehjeje e protestimi.
Vetë fakti që paria aktuale ka ardhur në pushtet, tregon që treguesit e demokracisë në Kosovë kanë funksionuar dhe se trendet kanë qenë pozitive. Në një shtet të kapur do të ishte e paimagjinueshme të kishim ndërrime të qeta të pushteteve. Mjafton të shohim rajonin dhe të bindemi për këtë.
Dhe nëse qeveritë e kaluara nuk kanë bërë dialog social në nivele të kënaqshme sigurisht që kanë paguar çmim për këtë. Prandaj, qeveria aktuale duhet ta bëjë të kundërtën e qeverive të kaluara nëse dëshiron t’i shtyjë përpara treguesit demokratikë aq të nevojshëm për rrugëtimin tonë evropian.
Hapja front ndaj mozaikut të pushtetit të katërt siç aktualisht po ndodh tregon që dialogu social po shënon prapakthim. Dialogu social është baza e demokracisë, kurse injorimi i tij çon drejt arbitraritetit që i hap rrugë autoritarizmit. Dialogu social duhet të jetë i vazhdueshëm për t’u paraprirë zhvillimeve e jo periodik dhe reagues e aq më pak joekzistues.
Të tjera
-
Arrestohet në Prizren burri me nënshtetësi gjermane, dyshohet për dhunë ndaj familjarëve të tij
Policia e Kosovës ka arrestuar në Prizren një burrë me nënshtetësi gjermane, ...
-
Bajrami ia bën ‘bajat’ ministrit Murati: Sektorit privat ia more taksat dhe i shpërndave si karramele
Deputetja e LDK’së, Hykmete Bajrami i ka reaguar ministrit Hekuran Muratit, d...
-
Aksion i Policisë në Prizren, arrestohen dy të dyshuar për dro*ë e ar*ë
Departamenti i Krimeve të Rënda në Prokurorinë Themelore në Prizren ka njoftu...
-
Prishtina pritet të bëhet me polici të veten brenda vitit
Drejtoria e Policisë për kryeqytet pritet të bëhet brenda këtij viti. Kjo ...
-
Sveçla takohet me Ballën, bien dakord që Policisë së Kosovës t’i bashkohet Taskforca e Përbashkët e Migracionit
Ministri i Punëve të Brendshme, Xhelal Sveçla, me ftesë të homologut i tij, T...
-
Perëndimi duhet të jetë në gjendje lufte
Nga: Anders Fogh Rasmussen, ish-sekretar i përgjithshëm i NATO-s (2009-‘14) d...
-
LAJMI I FUNDIT: Martin Berishaj po intervistohet në Prokurorinë Speciale
Martin Berishaj ambasadori i Kosovës në Kroaci, është duke u intervistuar nga...
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...