Lajme

Dialogu, sfidë e vështirë për qeverinë e ardhshme

Autori: Gazeta inFokus 08:20 | 11 October 2019

Përfaqësuesit e dy subjekteve më të votuara në zgjedhjet e 6 tetorit, LVV-së dhe LDK-së, janë zotuar se nuk do të ketë dialog me Serbinë, i cili do të shkojë në dëm të Kosovës.

Por vlerësohet se zgjidhja përfundimtare e këtij procesi mund të mos jetë plotësisht e favorshme për Republikën e Kosovës, shkruan sot Gazeta “Zëri”.

Procesi i dialogut Kosovë – Serbi pritet të jetë njëra prej sfidave kryesore të qeverisë së ardhshme. Tash kur po bëhet një vit i plotë prejse ka ngecur ky proces, bashkësia ndërkombëtare po kërkon me ngulm që negociatat Kosovë – Serbi të rifillojnë sa më parë.

-Advertisement-

Ky presion ndërkombëtar ka rinisur menjëherë pas shpalljes së rezultateve preliminare të zgjedhjeve të 6 tetorit, rrjedhimisht ende pa u formuar qeveria e re.

Nga Lëvizja Vetëvendosje, partia fituese e zgjedhjeve, kanë thënë se në momentin që LVV-ja vjen në krye të Qeverisë, fillimisht do të bëhet një analizë e marrëveshjeve të deritanishme – të arritura në kuadër të dialogut.

Edhe zyrtarët e LDK-së, partisë së dytë të dalë nga zgjedhjet sipas rezultateve preliminare, kanë konsideruar se duhet të bëhet një vlerësim i gjithë procesit të deritanishëm të dialogut me Serbinë.

Ata kanë përjashtuar çdo marrëveshje, e cila mund t’i sjellë dëm Kosovës.

Subscribe në YouTube: GAZETA INFOKUSI