Lajme

Dhurata Hoxha: Çdo fyerje ndaj Çitakut është fyerje ndaj të gjithë qytetarëve

Autori: Gazeta inFokus 12:26 | 18 May 2017

Ministrja e Drejtësisë, Dhurata Hoxha, ka reaguar ndaj sulmit të ambasadores së Kosovës në Uashington, Vlora Çitaku.

Hoxha ka thënë se çdo fyerje ndaj Çitakut është fyerje për të gjithë qytetarët e vendit, transmeton infokusi.com

Ajo po ashtu ka thënë se Çitaku e ka prezantuar dhe vazhdon të prezantoj Kosovën në dritën më pozitive kudo në botë.

-Advertisement-

Postimin e plotë të Hoxhës mund ta gjeni më poshtë:

“Ambasadorja Vlora Çitaku, ka prezantuar dhe prezanton Republikën e Kosovës, në dritën më pozitive, në Uashington dhe kudo në botë. Vlerat e promovuara nga ana e saj, si dhe vlerat që përfaqëson demokracia amerikane, nuk guxojnë të keqpërdoren nga askush, as të sulmohen nga mohuesit e shtetësisë së Kosovës.

Liria e shprehjes nuk nënkupton cënim të integritetit të askujt, aq më pak të përfaqësuesit legjitim të Republikës së Kosovës në vendin mik në ShBA, garantuesit të shprehjes së lirë dhe demokracisë globale.

Republika e Kosovës, përfaqësuesit e saj, për fat të keq, janë në shënjestër të keqbërësve edhe jashtë vendit, me motivin e qartë, uljen e reputacionit dhe imazhit të shtetit të Kosovës dhe të arriturave të saj.

Çdo veprim fyes kundër Ambasadorës Çitaku, është fyerje për të gjithë qytetarët e vendit tonë, është i papranueshëm dhe i ulët, andaj nuk duhet në asnjë rast të përsëritet.”/INFOKUSI

Subscribe në YouTube: GAZETA INFOKUSI