Lajme

Dhuna në familje , mblidhet Prokuroria e Prizrenit

Autori: Gazeta inFokus 12:14 | 27 September 2018

Për rastet e dhunës në familje, kryeprokurori i Prokurorisë Themelore në Prizren, Admir Shala të enjten ka organizuar takim me personat që merren me trajtimin e rasteve të tilla brenda prokurorisë.

Në takim morën pjesë prokurorë përgjegjës për rastet e dhunës në familje, përfaqësues nga Policia e Kosovës për rajonin e Prizrenit, gjykatës, mbrojtës të viktimave, përfaqësues nga Qendra për Punë Sociale, Strehimorja, Zyra për Ndihmë Juridike Falas, si dhe zyrtarë nga Shërbimi Sprovues, shkruan gazeta inFokus.

Kryeprokurori Shala kërkoi bashkëpunim mes institucioneve kompetente në mënyrë që të ndërmerren masat e nevojshme që trajtimi i rasteve të tilla të bëhet me prioritet dhe të reagohet me urgjencë.

-Advertisement-

Gjatë këtij takimi edhe koordinatorja për dhunë në familje nga Prokuroria Themelore në Prizren, Mehreme Hoxha prezantoi një kopje të vlerësimit të rrezikut si dhe të urdhrit për mbrojtje emergjente, me rekomandimin që në të ardhmen së bashku me kallëzimin penal, të plotësohet nga viktima edhe formulari për vlerësimin e rrezikut.

Pjesëmarrësit vlerësuan se takime të tilla duhet të mbahen më shpesh në mënyrë që të shtohen mekanizmat e mbrojtjes ndaj dhunës në familje./inFokus

Subscribe në YouTube: GAZETA INFOKUSI
Etiketa:
Black Friday ne Artmotion

Të tjera

Fokusi

lajme